જો તમે ખેડૂત છો અને પ્રધાનમંત્રી કિસાન સન્માન નિધિ યોજના (PM-KISAN) ના આગામી હપ્તાની આતુરતાથી રાહ જોઈ રહ્યા છો, તો તમારા માટે મોટા સમાચાર છે. સરકારે 22મો હપ્તો જાહેર કરવાની સત્તાવાર તારીખ જાહેર કરી દીધી છે. આવતીકાલે એટલે કે 13 માર્ચ, 2026 ના રોજ પ્રધાનમંત્રી નરેન્દ્ર મોદી આસામના ગુવાહાટીથી બટન દબાવીને દેશભરના કરોડો ખેડૂતોના ખાતામાં ₹2,000 ની રાશિ ટ્રાન્સફર કરશે.
આ વખતે 22મા હપ્તાની સાથે જ આ યોજના હેઠળ વહેંચવામાં આવેલી કુલ રકમ 4.27 લાખ કરોડ રૂપિયાને પાર કરી જશે, જેમાં 2.15 કરોડથી વધુ મહિલા ખેડૂતોનો પણ સમાવેશ થાય છે.
શું તમારો હપ્તો અટકી શકે છે?
સરકારે ચેતવણી આપી છે કે જે ખેડૂતો e-KYC નહીં કરાવે, તેમનો હપ્તો અટકી શકે છે. નાણાં કોઈપણ અવરોધ વગર મળે તે માટે આજે જ આ 3 કામ પતાવી લો:
-
આધાર-બેંક લિંકિંગ: ખાતરી કરો કે તમારું બેંક ખાતું આધાર કાર્ડ સાથે લિંક છે. આના વગર DBT (ડાયરેક્ટ બેનિફિટ ટ્રાન્સફર) ના પૈસા જમા થવામાં મુશ્કેલી આવી શકે છે.
-
કિસાન-ઈમિત્ર (Kisan-eMitra) નો લાભ લો: જો તમને હપ્તા સંબંધિત કોઈ સમસ્યા હોય, તો સરકારના AI-આધારિત વોઈસ ચેટબોટ ‘કિસાન-ઈમિત્ર’ નો ઉપયોગ કરો. તે 11 ભાષાઓમાં તમારી મદદ માટે 24×7 કાર્યરત છે.
કોને મળશે આ લાભ?
-
ખેડૂતના નામે 2 હેક્ટર સુધીની ખેતીલાયક જમીન હોવી જોઈએ અને લેન્ડ રેકોર્ડમાં તેનું નામ નોંધાયેલું હોવું જોઈએ.
-
પરિવારના માત્ર એક જ સભ્ય (પતિ, પત્ની કે સગીર બાળક) ને આ યોજનાનો લાભ મળી શકે છે.
-
બેંક ખાતું સક્રિય (Active) હોવું જોઈએ.
ઘેર બેઠા કેવી રીતે સ્ટેટસ ચેક કરવું?
તમને કાલે પૈસા મળશે કે નહીં તે જાણવા માટે આ સરળ સ્ટેપ્સ અનુસરો:
-
PM કિસાન પોર્ટલ (gov.in) પર જાઓ.
-
‘Know Your Status‘ પર ક્લિક કરો.
-
તમારો રજીસ્ટ્રેશન નંબર અથવા આધાર નંબર દાખલ કરો.
