ઉત્તરપ્રદેશના હરદોઈ જિલ્લામાંથી વંદે ભારત એક્સપ્રેસ પર પથ્થરમારા થયાના ચિંતાજનક સમાચાર સામે આવ્યા છે…રાષ્ટ્રીય સ્વયંસેવક સંઘ (આરએસએસ)ના વડા મોહન ભાગવત પણ આ જ કોચમાં મુસાફરી કરી રહ્યા હોવાનું બહાર આવતા આ ઘટના વધુ ચર્ચામાં આવી.
ઘટનાની સંપૂર્ણ વિગતો
સૂત્રો અનુસાર, આ અકસ્માત ગુરુવારે બપોરે 3:20 વાગ્યાની આસપાસ ઉત્તરપ્રદેશના હરદોઈ જિલ્લાના કૌડા ગામ (બાલોકર રેલ્વે ક્રોસિંગ) નજીક થયો હતો.વારાણસીથી મેરઠ જઈ રહેલી સેમી-હાઈ-સ્પીડ ટ્રેનના કોચ સી-4 માં એક પથ્થર વાગ્યો હતો..જેનાથી બહારનો કાચ તૂટી ગયો હતો. સદનસીબે, પથ્થર બહારના કાચ સુધી જ સીમિત રહ્યો હતો અને કોઈ મુસાફરોને ઈજા થઈ ન હતી..આરએસએસના વડામોહન ભાગવત પણ સંપૂર્ણપણે સુરક્ષિત છે.
તપાસમાં શું બહાર આવ્યું?
રેલવે પ્રોટેક્શન ફોર્સ (આરપીએફ) અને સ્થાનિક પોલીસ તાત્કાલિક ઘટનાસ્થળે પહોંચી અને આ મામલાની તપાસ કરી. સિટી સર્કલ ઓફિસર અંકિત મિશ્રાના જણાવ્યા અનુસાર, 8 થી 13 વર્ષની વયના કેટલાક બાળકો પાટા પાસે ક્રિકેટ રમી રહ્યા હતા. એવી શંકા છે કે રમત દરમિયાન કોઈ બાળકે ટ્રેન પર પથ્થર ફેંક્યો હતો. રેલવે પ્રોટેક્શન ફોર્સ (RPF) એ રેલવે એક્ટની કલમ 153 (મુસાફરોની સલામતીને જોખમમાં મૂકવી) હેઠળ અજાણ્યા વ્યક્તિઓ સામે કેસ નોંધ્યો છે. અધિકારીઓ હજુ પણ તપાસ કરી રહ્યા છે કે આ બાળકો દ્વારા કરવામાં આવેલી મજાક હતી કે કોઈ ઊંડું કાવતરું.
મોહન ભાગવતની મેરઠ મુલાકાત
આ ઘટના બાદ, RSS વડાની સુરક્ષા વધુ કડક કરવામાં આવી છે. 20 ફેબ્રુઆરીએ મેરઠમાં એક મોટી જાહેર સભા યોજાશે..જેમાં પ્રખ્યાત રાષ્ટ્રીય અને પ્રાદેશિક ખેલાડીઓ અને મહાનુભાવો હાજરી આપશે. 21 ફેબ્રુઆરીએ, તેમની મુલાકાતના બીજા દિવસે, તેઓ સામાજિક સંવાદો અને અન્ય સંગઠનાત્મક કાર્યક્રમોમાં ભાગ લેશે.
