ભારતીય ચૂંટણી પંચ (ECI) દ્વારા દર 2 વર્ષે યોજાતી રાજ્યસભાની ચૂંટણી માટેની તારીખો જાહેર કરી દેવામાં આવી છે. જૂન 2026માં 10 રાજ્યોની 24 બેઠકો ખાલી થઈ રહી છે. જ્યારે 2 રાજ્યોની બેઠકો અગાઉથી જ ખાલી છે. આ બેઠકો ભરવા માટે 18 જૂન 2026 ના રોજ મતદાન થશે. ચૂંટણી પંચે આજે એક નોટિફિકેશન બહાર પાડીને ઇલેક્શન શેડ્યૂલ (ચૂંટણી કાર્યક્રમ) ની જાહેરાત કરી છે.
કર્ણાટક, આંધ્રપ્રદેશ, ગુજરાત, રાજસ્થાન, મધ્યપ્રદેશ, મણિપુર, મેઘાલય, અરુણાચલ પ્રદેશ, મિઝોરમ અને ઝારખંડના 22 સાંસદો પહેલી જૂને નિવૃત્ત થઈ રહ્યા છે. તમિલનાડુ અને મહારાષ્ટ્રમાં પેટાચૂંટણી યોજાવાની છે. ચૂંટણી પંચના જણાવ્યા અનુસાર, ઉપરોક્ત રાજ્યોના વર્તમાન સાંસદોનો કાર્યકાળ 21 જૂનથી 19 જુલાઈ સુધીની અલગ-અલગ તારીખો પર સમાપ્ત થઈ રહ્યો છે.
આટલી બેઠકો ખાલી થશે અને આ રહેશે ચૂંટણીનું શેડ્યૂલ
-
આંધ્રપ્રદેશ, ગુજરાત અને કર્ણાટક: 4-4 બેઠકો ખાલી થશે.
-
મધ્યપ્રદેશ અને રાજસ્થાન: 3-3 બેઠકો ખાલી થશે.
-
ઝારખંડ: 2 બેઠકોના સાંસદ નિવૃત્ત થશે.
-
મણિપુર, મેઘાલય, અરુણાચલ પ્રદેશ અને મિઝોરમ: 1-1 બેઠક પર ચૂંટણી યોજાશે.
પક્ષવાર નિવૃત્તિ: નિવૃત્ત થનારા સાંસદોમાં 11 સાંસદો BJP (ભાજપ) ના છે.જ્યારે કોંગ્રેસના 4 સાંસદો છે. બાકીના 9 સાંસદો અન્ય પક્ષોના છે.
નોટિફિકેશન મુજબ, ચૂંટણી માટે નામાંકન (ફોર્મ) ભરવાની છેલ્લી તારીખ 8 જૂન છે. 9 જૂને નામાંકન પત્રોની ચકાસણી કરવામાં આવશે. 11 જૂન સુધીમાં નામાંકન પરત ખેંચી શકાશે. 18 જૂને મતદાન થશે. જે સવારે 9 થી સાંજના 4 વાગ્યા સુધી ચાલશે. 18 જૂને જ મતગણતરી હાથ ધરવામાં આવશે અને 20 જૂન સુધીમાં રાજ્યસભા ચૂંટણીની પ્રક્રિયા પૂર્ણ કરી લેવામાં આવશે.
રાજ્યસભામાંથી આ 24 સાંસદોની થશે વિદાય
તમને જણાવી દઈએ કે કોંગ્રેસ અધ્યક્ષ મલ્લિકાર્જુન ખડગે, વરિષ્ઠ કોંગ્રેસ નેતા દિગ્વિજય સિંહ, કેન્દ્રીય મંત્રી રવનીત સિંહ બિટ્ટુ અને જોર્જ કુરિયન રાજ્યસભામાંથી નિવૃત્ત થઈ રહ્યા છે.
રાજ્યવાર નિવૃત્ત થનારા સાંસદોની યાદી નીચે મુજબ છે:
-
ગુજરાત: રામભાઈ હરજીભાઈ મોકરીયા, અમીન નરહરિ હીરાભાઈ, ગોહિલ શક્તિસિંહ હરિશ્ચંદ્રસિંહ અને રમીલાબેન બેcharભાઈ બારા નિવૃત્ત થઈ રહ્યા છે.
-
આંધ્રપ્રદેશ (21 જૂને): અયોધ્યા રામી રેડ્ડી અલ્લા, નથવાણી પરિમલ, પિલ્લાઈ સુભાષચંદ્ર બોઝ, સના સતીશ બાબુ.
-
ઝારખંડ: દીપક પ્રકાશ અને શિબુ સોરેન.
-
મધ્યપ્રદેશ: જોન કુરિયન, દિગ્વિજય સિંહ અને સુમેર સિંહ સોલંકી.
-
કર્ણાટક: નારાયણ કોરાગપ્પા, ઇરાન્ના કડાડી, એચ. ડી. દેવગૌડા અને મલ્લિકાર્જુન ખડગે.
-
રાજસ્થાન (21 જૂને): નીરજ ડાંગી, રાજેન્દ્ર ગેહલોત, રવનીત સિંહ બિટ્ટુ.
-
મણિપુર: મહારાજા સનાજાઓબા લેઇશેમ્બા.
-
મેઘાલય (21 જૂને): વાનવેઇરોય ખારલુખી.
-
અરુણાચલ પ્રદેશ (23 જૂને): નબમ રેબિયા.
-
મિઝોરમ (19 જુલાઈએ): કે. વાનલાલવેના.
