ભારતના ‘માઈકલ જેક્સન’ ગણાતા પ્રભુ દેવા આજે કોઈ ઓળખના મોહતાજ નથી. દુનિયાભરમાં લોકો તેમના ડાન્સ મૂવ્સના દીવાના છે, પરંતુ તેમની અંગત જિંદગી વિવાદોથી ભરેલી રહી છે. ખાસ કરીને અભિનેત્રી નયનતારા સાથેના તેમના સંબંધોએ ભારે ચર્ચા જગાવી હતી. નયનતારા પ્રભુ દેવા માટે પોતાનો ધર્મ બદલવા પણ તૈયાર હતી, પરંતુ પ્રભુ દેવાની શરતોએ આ સંબંધનો કાયમી અંત લાવી દીધો.
સંઘર્ષ અને સફળતાની કહાની
પ્રભુ દેવાને ભારતના માઈકલ જેક્સન કહેવામાં આવે છે. લાખો લોકો તેમના ડાન્સના મુરીદ છે, પરંતુ બહુ ઓછા લોકો જાણે છે કે તેમણે જીવનમાં ઘણા ઉતાર-ચઢાવ જોયા છે. એક સમય એવો હતો જ્યારે ડાન્સ કરતી વખતે પ્રભુ દેવાને પેરાલિટિક અટેક આવ્યો હતો અને તેમનું શરીર કામ કરતું બંધ થઈ ગયું હતું. આ મુશ્કેલ સમયમાંથી બહાર આવીને તેમણે પોતાની ઓળખ બનાવી.
પ્રભુ દેવાના લગ્ન અને ધર્મ પરિવર્તન
પ્રભુ દેવાએ વર્ષ 1995માં રામલતા સાથે લગ્ન કર્યા હતા. રામલતા લગ્ન પહેલા મુસ્લિમ હતા, પરંતુ પ્રભુ દેવા સાથે લગ્ન કરવા માટે તેમણે હિન્દુ ધર્મ અંગીકાર કર્યો હતો અને પોતાનું નામ બદલીને ‘લતા’ રાખ્યું હતું. જોકે, ત્રણ બાળકોના પિતા હોવા છતાં પ્રભુ દેવાનું નામ નયનતારા સાથે જોડાયું અને ફિલ્મ ઇન્ડસ્ટ્રીમાં ખળભળાટ મચી ગયો.
જે ૩ શરતોએ સંબંધ તોડી નાખ્યો
નયનતારા અને પ્રભુ દેવા લગ્ન કરવાના ઉંબરે હતા, પરંતુ પ્રભુ દેવાની ત્રણ શરતો તેમના અલગ થવાનું કારણ બની:
-
ધર્મ પરિવર્તન: પ્રભુ દેવા સાથે લગ્ન કરવા માટે નયનતારા પોતાનો ધર્મ બદલવા તૈયાર થઈ ગઈ હતી.
-
બાળકોની પ્રાથમિકતા: બીજી શરત મુજબ પ્રભુ દેવાએ સ્પષ્ટ કર્યું હતું કે તેમના પહેલા લગ્નથી થયેલા બાળકો હંમેશા તેમની પ્રથમ પ્રાથમિકતા રહેશે.
-
એક્ટિંગ છોડવાની શરત: સૌથી વિવાદાસ્પદ ત્રીજી શરત એ હતી કે લગ્ન પછી નયનતારાએ ફિલ્મી દુનિયા અને એક્ટિંગ છોડવી પડશે.
