વડાપ્રધાન નરેન્દ્ર મોદીએ ગાંધીનગરના કોબા સ્થિત મહાવીર જૈન આરાધના કેન્દ્રની મુલાકાત લીધી હતી. આ પ્રસંગે તેમણે જૈન ધર્મના ઐતિહાસિક અને સાંસ્કૃતિક વારસાને જીવંત રાખતા અત્યાધુનિક ‘સમ્રાટ સંપ્રતિ મ્યુઝિયમ’નું ઉદ્ઘાટન કર્યું હતું.
मैं भगवान महावीर के चरणों में प्रणाम करता हूँ।
मैं कोबातीर्थ से सभी देशवासियों को भगवान महावीर जयंती की शुभकामनाएँ देता हूँ: PM @narendramodi
— PMO India (@PMOIndia) March 31, 2026
મ્યુઝિયમની મુખ્ય વિશેષતાઓ:
-
નામકરણનું મહત્વ: આ મ્યુઝિયમનું નામ સમ્રાટ અશોકના પૌત્ર સમ્રાટ સંપ્રતિ પરથી રાખવામાં આવ્યું છે. જેઓ જૈન ધર્મના પ્રચાર અને અહિંસા પ્રત્યેની અતૂટ પ્રતિબદ્ધતા માટે જાણીતા છે.
-
દુર્લભ સંગ્રહ: સંગ્રહાલયમાં 2,000 થી વધુ અત્યંત દુર્લભ અને પ્રાચીન કલાકૃતિઓ પ્રદર્શિત કરવામાં આવી છે.જે જૈન ધર્મના હજારો વર્ષ જૂના ઈતિહાસની સાક્ષી પૂરે છે.
-
વૈવિધ્યસભર વિભાગો: આ મ્યુઝિયમ કુલ સાત ભવ્ય ગેલેરી (વિંગ્સ) માં વિભાજિત છે. દરેક ગેલેરી ભારતીય સભ્યતા અને જૈન પરંપરાના વિશિષ્ટ પાસાઓને સમર્પિત છે.
પ્રદર્શિત મુખ્ય કલાકૃતિઓ:
-
સાહિત્યિક વારસો: સદીઓ જૂની દુર્લભ હસ્તપ્રતો (Manuscripts) અને જ્ઞાનનો ભંડાર.
-
ધાતુ અને કલા: ચાંદીના ભવ્ય રથ, પ્રાચીન સિક્કાઓ અને પથ્થર તેમજ ધાતુ પર કરવામાં આવેલું બારીક નકશીકામ.
-
ધાર્મિક પ્રતીકો: વિશાળ મંદિર પટ્ટ (Temple Plates), યંત્ર પટ્ટ અને જૈન ધર્મના પવિત્ર ચિત્રો.
-
શિલ્પકળા: કલાત્મક મૂર્તિઓ અને ઐતિહાસિક અવશેષો, જે મુલાકાતીઓને આધ્યાત્મિક અનુભૂતિ કરાવે છે.
