યૌન ઉત્પીડન કેસમાં શંકરાચાર્ય સ્વામી અવિમુક્તેશ્વરાનંદ સરસ્વતી અને તેમના શિષ્ય સ્વામી મુકુંદાનંદ ગીરીને અલ્હાબાદ હાઈકોર્ટ તરફથી મોટી રાહત મળી છે. હાઈકોર્ટે અવિમુક્તેશ્વરાનંદ સરસ્વતી અને તેમના શિષ્યને આગોતરા જામીન આપી દીધા છે. જસ્ટિસ જિતેન્દ્ર કુમાર સિન્હાની સિંગલ બેન્ચે આ ચુકાદો સંભળાવતા બંનેની આગોતરા જામીન અરજી મંજૂર કરી હતી.
નોંધનીય છે કે, સ્વામી અવિમુક્તેશ્વરાનંદ સરસ્વતી અને તેમના શિષ્ય સ્વામી મુકુંદાનંદ ગીરીએ ધરપકડથી બચવા માટે અલ્હાબાદ હાઈકોર્ટમાં આગોતરા જામીન અરજી દાખલ કરી હતી. ગત 27 ફેબ્રુઆરીના રોજ સુનાવણી પૂર્ણ થયા બાદ હાઈકોર્ટે ચુકાદો સુરક્ષિત રાખ્યો હતો.
બંને પક્ષો મીડિયામાં નિવેદનબાજી કે ઇન્ટરવ્યુ નહીં આપી શકે
કોર્ટે જણાવ્યું કે ચાર્જશીટ દાખલ ન થાય ત્યાં સુધી શંકરાચાર્યની ધરપકડ કરવામાં આવશે નહીં. અલ્હાબાદ હાઈકોર્ટે શંકરાચાર્યને આગોતરા જામીન આપવાની સાથે કેટલીક શરતો પણ મૂકી છે:
-
સૌથી મહત્વની શરત એ છે કે બંને પક્ષો (શંકરાચાર્ય અને આશુતોષ) મીડિયામાં કોઈ પણ પ્રકારની નિવેદનબાજી નહીં કરે કે ઇન્ટરવ્યુ આપશે નહીં.
-
જો જામીનની શરતોનું ઉલ્લંઘન કરવામાં આવશે, તો બીજો પક્ષ જામીન રદ કરવાની અરજી કરી શકે છે.
