પીએમ મોદીને સ્લોવાકિયાનું સર્વોચ્ચ સન્માન: ‘ઓર્ડર ઓફ ધ વ્હાઇટ ડબલ ક્રોસ’થી કરાયા સન્માનિત

વડાપ્રધાન નરેન્દ્ર મોદીએ સોમવારે યુરોપના અત્યંત મહત્વપૂર્ણ દેશ સ્લોવાકિયાની મુલાકાત લીધી. અહીં પીએમ મોદી અને સ્લોવાકિયાના વડાપ્રધાન રોબર્ટ ફિકો વચ્ચે દ્વિપક્ષીય વાર્તાલાપ પણ સંપન્ન થયો હતો. આ દ્વિપક્ષીય બેઠકમાં ભારત અને સ્લોવાકિયા વચ્ચે ડિફેન્સ (સંરક્ષણ) અને ટ્રેડ ડીલ (વ્યાપાર કરાર) સહિતના અનેક મુદ્દાઓ પર સહમતિ બની છે. આપને જણાવી દઈએ કે, વર્ષ 1993માં સ્લોવાકિયાની આઝાદી પછી ત્યાંની મુલાકાત લેનારા પીએમ મોદી પ્રથમ ભારતીય વડાપ્રધાન છે. સ્લોવાકિયાએ પીએમ મોદીની આ મુલાકાત દરમિયાન તેમને દેશના સર્વોચ્ચ નાગરિક સન્માન ‘ઓર્ડર ઓફ ધ વ્હાઇટ ડબલ ક્રોસ (ફર્સ્ટ ક્લાસ)’ થી સન્માનિત કર્યા છે.

પીએમ મોદીને 33મું આંતરરાષ્ટ્રીય સન્માન

સ્લોવાકિયાએ વડાપ્રધાન નરેન્દ્ર મોદીને પોતાના સર્વોચ્ચ સન્માન ‘ધ ઓર્ડર ઓફ ધ વ્હાઇટ ડબલ ક્રોસ (ફર્સ્ટ ક્લાસ)’ થી નવાજ્યા છે. સ્લોવાકિયાના રાષ્ટ્રપતિ પીટર પેલેગ્રીનીએ તેમને આ સન્માન એનાયત કર્યું હતું.

‘ધ ઓર્ડર ઓફ ધ વ્હાઇટ ડબલ ક્રોસ’ એ સ્લોવાકિયાનું સર્વોચ્ચ સ્ટેટ ઓનર (રાજકીય સન્માન) છે, જે સ્લોવાકિયાના રાષ્ટ્રપતિ દ્વારા વિદેશી મહાનુભાવોને આપવામાં આવે છે. આ સન્માન સ્લોવાકિયા સાથે મૈત્રીપૂર્ણ સંબંધોના વિકાસમાં અસાધારણ યોગદાન, તેમજ દેશના વિદેશ નીતિના હિતો અને આંતરરાષ્ટ્રીય સ્તરે તેની પ્રતિષ્ઠાને સમર્થન આપવા બદલ આપવામાં આવે છે. કોઈપણ દેશ દ્વારા પીએમ મોદીને આપવામાં આવેલું આ 33મું આંતરરાષ્ટ્રીય સન્માન છે.

સંરક્ષણ અને વ્યાપાર સહિત 11 કરારો પર હસ્તાક્ષર

સોમવારે ભારત અને સ્લોવાકિયાએ પોતાના સંબંધોને વ્યાપક ભાગીદારી સુધી લઈ જવા અને દ્વિપક્ષીય વ્યાપાર તેમજ સંરક્ષણ સહયોગને પ્રોત્સાહન આપવા પર સહમતિ વ્યક્ત કરી છે. આ ઉપરાંત, બંને દેશોએ નીચેના ક્ષેત્રોમાં પરસ્પર સહયોગ વધારવા માટે 11 મહત્વપૂર્ણ કરારો પર હસ્તાક્ષર કર્યા છે:

• પ્રવસન (Migration)

• ડિજિટલ ટેકનોલોજી

• સંરક્ષણ (Defense) ક્ષેત્ર

પીએમ મોદીએ દ્વિપક્ષીય મંત્રણા દરમિયાન સ્લોવાકિયાના વડાપ્રધાન રોબર્ટ ફિકોને ભારત આવવાનું આમંત્રણ પણ આપ્યું હતું.

વડાપ્રધાન મોદીએ 12 વર્ષમાં 100 વિદેશ યાત્રાઓ પૂર્ણ કરી

પીએમ મોદી હાલમાં 13 થી 18 જૂન સુધી ફ્રાન્સ અને સ્લોવાકિયાના પ્રવાસે છે. પીટીઆઈ (PTI) ના અહેવાલ મુજબ, વડાપ્રધાન પદ સંભાળ્યા પછીના 12 વર્ષોમાં પીએમ મોદીની આ 100મી વિદેશ યાત્રા છે.

• પીએમ મોદીએ 26 મે, 2014ના રોજ ભારતના વડાપ્રધાન તરીકેનો કાર્યભાર સંભાળ્યો હતો.

• તેમણે પ્રથમ વિદેશ યાત્રા 15 થી 16 જૂન, 2014 દરમિયાન ભૂટાનની કરી હતી.

• જ્યારે, તેઓ પોતાની બીજી વિદેશ યાત્રા પર 13 થી 17 જુલાઈ દરમિયાન બ્રાઝિલ ગયા હતા.

• પોતાના 12 વર્ષના કાર્યકાળમાં પીએમ મોદી અત્યાર સુધીમાં 78 દેશોની યાત્રા કરી ચૂક્યા છે.