બોલિવૂડ અભિનેત્રી મૌની રોય છેલ્લા કેટલાક સમયથી પોતાની પર્સનલ લાઈફને લઈને ભારે ચર્ચામાં છે. મૌનીએ એક મહિના પહેલા જ સૂરજ નાંબિયાર સાથે પોતાના છૂટાછેડાની સત્તાવાર જાહેરાત કરી હતી. બંનેએ એક જોઈન્ટ સ્ટેટમેન્ટ જાહેર કરીને પરસ્પર સહમતીથી અલગ થવાનો નિર્ણય લીધો હોવાનું જણાવ્યું હતું. જોકે, આ પોસ્ટ બાદ સોશિયલ મીડિયા પર મૌનીને લઈને જાતજાતની અફવાઓ શરૂ થઈ ગઈ હતી. લોકોએ તેની સેક્સુઆલિટી અને મિત્રતા પર પણ સવાલો ઉઠાવ્યા હતા, જેમાં દિશા પાટનીનું નામ પણ ખેંચવામાં આવ્યું હતું. હવે આ તમામ અફવાઓ પર મૌની રોયે પોતે ખુલીને જવાબ આપ્યો છે.
‘ગે’ હોવાની અફવાઓ પર મૌનીની સ્પષ્ટતા
એક ઈન્ટરવ્યૂમાં જ્યારે મૌની રોયને પૂછવામાં આવ્યું કે તેણે પોતાના વિશે સાંભળેલી સૌથી મોટી અફવા કઈ છે? ત્યારે અભિનેત્રીએ તરત જ જવાબ આપ્યો, “મેં મારા વિશે સાંભળેલી સૌથી મોટી અફવા એ છે કે હું ‘ગે’ છું.” મૌનીએ સ્પષ્ટ શબ્દોમાં કહ્યું કે તે ગે નથી અને આ બધી માત્ર અફવાઓ છે, જેને તેની વાસ્તવિક જિંદગી સાથે કોઈ લેવાદેવા નથી. મૌનીના મતે, લોકો સોશિયલ મીડિયા પર તેની મહિલા મિત્રો (ફીમેલ ફ્રેન્ડ્સ) સાથેની તસવીરો જોઈને ખોટા અનુમાનો લગાવવા માંડે છે.
મુશ્કેલ સમયમાં પરિવાર અને મિત્રોએ આપ્યો સાથ
મૌની રોયે જણાવ્યું કે તેને ટ્રોલ્સથી કોઈ ફરક નથી પડતો, કારણ કે તેની જિંદગીના સૌથી કપરા સમયમાં તેનો પરિવાર અને તેની આ મહિલા મિત્રો જ તેની સાથે અડીખમ ઊભા રહ્યા હતા. મૌનીએ કહ્યું, “જ્યારે હું મારા લગ્નજીવનના ઉતાર-ચઢાવમાંથી પસાર થઈ રહી હતી, ત્યારે મારા પરિવારે અને મારી ગર્લફ્રેન્ડ્સે જ મને સંભાળી હતી. હું પોતાને ભાગ્યશાળી માનું છું કે મારી આસપાસ આટલા સારા લોકો અને પ્રેમાળ મહિલાઓ છે.”
‘મારી ગર્લફ્રેન્ડ્સ બેસ્ટ છે, પણ હું ગે નથી’
પોતાની બહેનપણીઓનો ઉલ્લેખ કરતા મૌનીએ આગળ કહ્યું:
“મારી જિંદગીમાં હંમેશા મજબૂત અને મદદરૂપ મિત્રો રહ્યા છે. દરેક વ્યક્તિના જીવનમાં એવી મહિલાઓ હોવી જોઈએ જે દરેક સારા-નરસા સમયમાં તમારો ઉત્સાહ વધારે. મારી સહેલીઓ સાથેની મારી નિકટતા જોઈને લોકો ભલે ગમે તે વિચારે, પણ હું ગે નથી. કોઈની પવિત્ર દોસ્તીને ખોટા નજરીયાથી જોવી બિલકુલ યોગ્ય નથી.”
