પશ્ચિમ બંગાળ વિધાનસભા ચૂંટણીના પ્રથમ તબક્કાના મતદાનના ગણતરીના કલાકો પહેલા જ સુપ્રીમ કોર્ટે મમતા બેનર્જી સરકાર વિરુદ્ધ અત્યંત કડક વલણ અપનાવ્યું છે. કોર્ટે મુખ્યમંત્રીની કાર્યશૈલી પર સવાલો ઉઠાવતા લોકશાહીના અસ્તિત્વ અંગે ચિંતા વ્યક્ત કરી છે.
કોર્ટે શું કહ્યું? “દેશમાં આવો દિવસ જોવો પડશે એવું વિચાર્યું નહોતું”
સુપ્રીમ કોર્ટે સુનાવણી દરમિયાન મમતા બેનર્જીને આડેહાથ લેતા સ્પષ્ટ શબ્દોમાં જણાવ્યું કે:
-
લોકશાહી પર જોખમ: આ માત્ર રાજ્ય અને કેન્દ્ર વચ્ચેનો વિવાદ નથી, પરંતુ એક વ્યક્તિ (મુખ્યમંત્રી) તપાસ પ્રક્રિયામાં દખલગીરી કરીને લોકશાહીને જોખમમાં મૂકી રહ્યા છે.
-
સિસ્ટમ સામે ખતરો: સુપ્રીમ કોર્ટે આશ્ચર્ય વ્યક્ત કરતા ઉમેર્યું કે, “અમે ક્યારેય કલ્પના નહોતી કરી કે દેશમાં એવો દિવસ આવશે જ્યારે એક મુખ્યમંત્રી તપાસની વચ્ચે આ રીતે હસ્તક્ષેપ કરશે અને આખી સિસ્ટમ માટે ખતરો ઊભો કરશે.”
EDનો સકંજો: TMCના બે દિગ્ગજ ઉમેદવારોને તેડું
એક તરફ કોર્ટની ફટકાર અને બીજી તરફ EDની કાર્યવાહીને કારણે તૃણમૂલ કોંગ્રેસની મુશ્કેલીઓ વધી છે. EDએ પશ્ચિમ બંગાળના બે દિગ્ગજ નેતાઓને ચોથું સમન પાઠવ્યું છે:
-
સુજીત બોસ: બિધાનનગર બેઠકના ઉમેદવાર.
-
રથિન ઘોષ: મધ્યમગ્રામ બેઠકના ઉમેદવાર. આ બંને નેતાઓને 24 એપ્રિલે પૂછપરછ માટે હાજર થવા આદેશ અપાયો છે.
પશ્ચિમ બંગાળ ચૂંટણી 2026: એક નજરે
બંગાળની 294 બેઠકો પર આ વખતે બે તબક્કામાં રસાકસી જંગ ખેલાશે:
-
પ્રથમ તબક્કો: 23 એપ્રિલ (152 બેઠકો પર મતદાન).
-
બીજો તબક્કો: 29 એપ્રિલ (142 બેઠકો પર મતદાન).
-
પરિણામ: 4 મે, 2026.
