બિહાર રાજ્યસભા ચૂંટણી: મહાગઠબંધનમાં ભંગાણ, NDAનો તમામ 5 બેઠકો પર ભવ્ય વિજય

બિહારમાં રાજ્યસભાની 5 બેઠકો માટે યોજાયેલી ચૂંટણીમાં વિપક્ષી મહાગઠબંધનને મોટો ફટકો પડ્યો છે. મતદાન પ્રક્રિયા પૂર્ણ થવાની સાથે જ એનડીએ (NDA) એ તમામ પાંચેય બેઠકો પર કબજો જમાવી લીધો છે. આ ચૂંટણીમાં વિપક્ષના 4 ધારાસભ્યો ગેરહાજર રહેતા રાજકીય ગરમાવો વધી ગયો છે.

મહાગઠબંધનના 4 ધારાસભ્યોની ગેરહાજરી

ચૂંટણી દરમિયાન વિપક્ષી એકતાના ધજાગરા ઉડ્યા હતા. મહાગઠબંધનના કુલ 4 ધારાસભ્યોએ મતદાનમાં ભાગ લીધો ન હતો:

• RJD: ફૈઝલ રહેમાન

• કોંગ્રેસ: સુરેન્દ્ર કુશવાહા (વાલ્મીકિનગર), મનોજ વિશ્વાસ (ફારબિસગંજ) અને મનોહર પ્રસાદ (મનિહારી).

આ ગેરહાજરીને કારણે મહાગઠબંધનના પક્ષમાં માત્ર 37 મતો પડ્યા હતા, જ્યારે NDA ના તમામ 202 ધારાસભ્યોએ એકજૂથ થઈને મતદાન કર્યું હતું.

વિજેતા ઉમેદવારો અને મળેલા મતો

NDA ના પાંચેય ઉમેદવારોએ જવલંત વિજય મેળવ્યો છે. સત્તાવાર પરિણામો મુજબ મતોની વહેંચણી નીચે મુજબ છે:

‘ઈન્ડિયા ગઠબંધન’ માટે ચિંતાનો વિષય

રાજકીય વિશ્લેષકો માની રહ્યા છે કે કોંગ્રેસ અને RJD ના ધારાસભ્યોનું ગેરહાજર રહેવું એ આંતરિક કલહ અથવા કોઈ મોટા રાજકીય સોદાબાજીનો સંકેત હોઈ શકે છે. ખાસ કરીને કોંગ્રેસના ત્રણ ધારાસભ્યો દ્વારા મતદાનનો બહિષ્કાર કરવો એ ગઠબંધનની નબળાઈ છતી કરે છે.

બીજી તરફ, મુખ્યમંત્રી નીતીશ કુમારના નેતૃત્વમાં NDA એ 100% હાજરી સુનિશ્ચિત કરીને પોતાની સંગઠનાત્મક શક્તિનું પ્રદર્શન કર્યું છે. બિહાર વિધાનસભાની કુલ 243 બેઠકોમાંથી હાલ NDA પાસે 202 ધારાસભ્યોનું સંખ્યાબળ છે.