મહીસાગર પોલીસની મોટી સફળતા: 3 જિલ્લાના ગુનાઓમાં નાસતો-ફરતો આરોપી લુણાવાડા બસ સ્ટેશનથી ઝડપાયો!

મહીસાગર તથા પંચમહાલ જિલ્લાના અલગ-અલગ પોલીસ સ્ટેશનના કુલ 3 ગુનાઓમાં લાંબા સમયથી નાસતા-ફરતા આરોપીને ઝડપી પાડવામાં મહીસાગર એલ.સી.બી (LCB) ટીમને મોટી સફળતા મળી છે.

પંચમહાલ ગોધરા રેન્જના નાયબ પોલીસ મહાનિરીક્ષક વિધિ ચૌધરી તથા મહીસાગર જિલ્લા પોલીસ અધિક્ષક સફીન હસન દ્વારા નાસતા-ફરતા આરોપીઓને પકડી પાડવા માટે એક સ્પેશિયલ ડ્રાઇવનું આયોજન કરવામાં આવ્યું હતું. આ ઝુંબેશ અંતર્ગત, મહીસાગર લોકલ ક્રાઇમ બ્રાન્ચના પોલીસ ઇન્સ્પેક્ટર એમ.કે. ખાંટની સૂચના અને માર્ગદર્શન હેઠળ એલ.સી.બી સ્ટાફના માણસોની અલગ-અલગ ટીમોની રચના કરવામાં આવી હતી.

આ દરમિયાન એલ.સી.બીના આસિસ્ટન્ટ હેડ કોન્સ્ટેબલ (અ.હે.કો.) ધર્મેશભાઇ રમણભાઈને એક ચોક્કસ બાતમી મળી હતી. આ બાતમીના આધારે પોલીસે વોચ ગોઠવીને લુણાવાડા બસ સ્ટેશન ખાતેથી આરોપી અકીબ જાવેદ રફિક મિસ્ત્રી (રહે. 8/806 એ.બી., ગોધરા ઓડા સિવિલ લાઇન્સ રોડ, તા. ગોધરા, જિ. પંચમહાલ) ને ઝડપી લીધો હતો.

પકડાયેલ આરોપી નીચે મુજબના 3 ગંભીર ગુનાઓમાં નાસતો-ફરતો હતો:

1. લુણાવાડા ટાઉન પોલીસ સ્ટેશન ગુ.ર.નં. 97-2026

2. ગોધરા શહેર બી ડિવિઝન પોલીસ સ્ટેશન ગુ.ર.નં. 663-2025

3. ગોધરા शहर બી ડિવિઝન પોલીસ સ્ટેશન ગુ.ર.નં. 717-2025

ઉપરોક્ત તમામ ગુનાઓ ‘ગુજરાત પ્રાણી સંરક્ષણ અધિનિયમ’ (Gujarat Animal Preservation Act) હેઠળ નોંધાયેલા હતા. હાલમાં મહીસાગર એલ.સી.બી દ્વારા આરોપીને કસ્ટડીમાં લઈ આગળની કાયદેસરની કાર્યવાહી હાથ ધરવામાં આવી છે.

રિપોર્ટર :આસીફ, લુણાવાડાં