દેશની સૌથી પ્રતિષ્ઠિત મેડિકલ પ્રવેશ પરીક્ષા NEET-UG 2026 માં થયેલી ગેરરીતિઓ મામલે કેન્દ્રીય તપાસ બ્યુરો (CBI) ને મોટી સફળતા મળી છે. તપાસ એજન્સીએ આ આખા નેટવર્કના માસ્ટરમાઇન્ડ ગણાતા પી.વી. કુલકર્ણીની મહારાષ્ટ્રના પુણેથી ધરપકડ કરી છે.
કોણ છે પી.વી. કુલકર્ણી?
તપાસમાં બહાર આવેલી વિગતો મુજબ, આરોપી પી.વી. કુલકર્ણી વ્યવસાયે શિક્ષક છે અને તેની લાતૂરમાં ઊંડી ઓળખ છે:
-
લાતૂરમાં કોચિંગ સેન્ટર: તે મહારાષ્ટ્રના લાતૂરમાં એક ખાનગી કોચિંગ સેન્ટર ચલાવતો હતો.
-
વિષય નિષ્ણાત: તે પોતે કેમિસ્ટ્રી (રસાયણ વિજ્ઞાન)નો નિષ્ણાત શિક્ષક હતો. જેનો ઉપયોગ તેણે વિદ્યાર્થીઓનો વિશ્વાસ જીતવા માટે કર્યો હતો.
-
ડિજિટલ પુરાવા: CBI ને તેની વિરુદ્ધ અનેક મહત્વપૂર્ણ ઈલેક્ટ્રોનિક પુરાવાઓ, વોટ્સએપ ચેટ્સ અને કોલ રેકોર્ડ્સ મળ્યા છે. જે આ ષડયંત્રમાં તેની સંડોવણી સાબિત કરે છે.
NTA સાથેનું જોખમી જોડાણ
આ કેસમાં સૌથી ચોંકાવનારો વળાંક ત્યારે આવ્યો જ્યારે જાણવા મળ્યું કે કુલકર્ણીના તાર સીધા નેશનલ ટેસ્ટિંગ એજન્સી (NTA) સાથે જોડાયેલા હતા.
-
તે પ્રશ્નપત્ર તૈયાર કરવા માટેની કમિટીનો ભાગ રહ્યો હોવાની શંકા છે, જેના કારણે તેની પાસે સંવેદનશીલ માહિતી પહોંચી હતી.
-
આરોપી ‘સ્પેશિયલ બેચ’ અને ‘સીક્રેટ ક્લાસ’ ના નામે અમુક ખાસ વિદ્યાર્થીઓને ભેગા કરતો અને પરીક્ષાના થોડા દિવસ પહેલા જ ‘ગેસ પેપર’ (અનુમાનિત પેપર) આપતો હતો.ખરેખર અસલી પેપર સાથે હૂબહૂ મળતું આવતું હતું.
ષડયંત્રની મોડસ ઓપરેન્ડી (કાર્યપ્રણાલી)
તપાસ દરમિયાન પેપર લીક કરવાની પદ્ધતિ વિશે નીચે મુજબની વિગતો મળી છે:
-
મોક ટેસ્ટ કનેક્શન: લાતૂરની કોચિંગ સંસ્થાઓમાં લેવાયેલી મોક ટેસ્ટના પ્રશ્નો અને અસલી NEET પરીક્ષાના પ્રશ્નો સમાન હતા.
-
નાણાકીય વ્યવહાર: વાલીઓ પાસેથી લાખો રૂપિયા વસૂલીને પેપરની ચોરી કરવામાં આવતી હતી.
-
આંતરરાજ્ય નેટવર્ક: આ કૌભાંડ માત્ર મહારાષ્ટ્ર પૂરતું મર્યાદિત નથી. રાજસ્થાન (કોટા), હરિયાણા, દિલ્હી અને બિહાર જેવા રાજ્યોમાં પણ આ નેટવર્કના તાર ફેલાયેલા છે.
સરકારનો કડક નિર્ણય: હવે પરીક્ષા ઓનલાઇન લેવાશે
આ વિવાદ અને વિદ્યાર્થીઓના રોષને જોતા કેન્દ્ર સરકારે પરીક્ષા પદ્ધતિમાં ક્રાંતિકારી ફેરફારની જાહેરાત કરી છે:
-
CBT મોડ: આગામી વર્ષથી NEET-UG પરીક્ષા પરંપરાગત પેન-પેપર પદ્ધતિને બદલે કોમ્પ્યુટર બેઝ્ડ ટેસ્ટ (CBT) મોડમાં લેવામાં આવશે.
-
પારદર્શિતા: શિક્ષણ મંત્રી ધર્મેન્દ્ર પ્રધાને વિશ્વાસ અપાવ્યો છે કે નવી સિસ્ટમથી પેપર લીક જેવી ઘટનાઓ પર રોક લગાવી શકાશે અને પરીક્ષા પ્રક્રિયા વધુ સુરક્ષિત બનશે.
