આઈપીએલ 2026ની 25મી મેચમાં ગુજરાત ટાઇટન્સે શાનદાર વાપસી કરતા કોલકાતા નાઇટ રાઇડર્સને 5 વિકેટે પરાજય આપ્યો છે.અમદાવાદમાં નરેન્દ્ર મોદી સ્ટેડિયમમાં રમાયેલા આ મુકાબલામાં ગુજરાતના બોલરોએ તરખાટ મચાવ્યા બાદ કેપ્ટન શુભમન ગિલે બેટિંગમાં જાદુ બતાવ્યો હતો.
મેચની મુખ્ય હાઇલાઇટ્સ:
-
ગિલની કેપ્ટન ઇનિંગ: શુભમન ગિલે માત્ર 50 બોલમાં 86 રનની તોફાની ઇનિંગ રમી જીત આસાન બનાવી દીધી.
-
રબાડાની રફ્તાર: કગિસો રબાડાએ 4 ઓવરમાં 29 રન આપીને 3 મહત્વની વિકેટ ઝડપી કેકેઆરની કમર તોડી નાખી હતી.
-
કેમરૂન ગ્રીનની લડત: KKR તરફથી કેમરૂન ગ્રીને સૌથી વધુ 79 રન (55 બોલ) બનાવ્યા, પરંતુ અન્ય બેટ્સમેનો સાથ આપી શક્યા નહીં.
કેકેઆરની બેટિંગ: શરૂઆત નબળી, મધ્યક્રમ નિષ્ફળ
ટોસ હારીને પ્રથમ બેટિંગ કરવા ઉતરેલી કોલકાતાની શરૂઆત આઘાતજનક રહી હતી. અજિંક્ય રહાણે શૂન્ય રને આઉટ થયો હતો. કેમરૂન ગ્રીને 7 ચોગ્ગા અને 4 છગ્ગા સાથે 79 રન બનાવી ટીમને સન્માનજનક સ્કોર સુધી પહોંચાડી હતી. અંતિમ ઓવરોમાં રોવમેન પોવેલ (27) અને રમનદીપ સિંઘ (17) ના પ્રયાસો છતાં કેકેઆર 20 ઓવરમાં 180 રન જ બનાવી શકી હતી.
ગુજરાતની બોલિંગ લાઇન-અપ:
-
કગિસો રબાડા: 3 વિકેટ
-
મોહમ્મદ સિરાજ: 2 વિકેટ
-
અશોક શર્મા: 2 વિકેટ
