નોઈડામાં પગાર વધારા મુદ્દે કર્મચારીઓનું આંદોલન હિંસક બન્યું હતુ…પગાર વધારાની માંગણી સાથે છેલ્લા ત્રણ-ચાર દિવસથી ચાલી રહેલું ખાનગી કંપનીના કર્મચારીઓનું પ્રદર્શન આજે ઉગ્ર બન્યું હતું. નોઈડાના ફેઝ-2 વિસ્તારમાં પ્રદર્શનકારીઓ અને પોલીસ સામસામે આવી જતાં સ્થિતિ તણાવપૂર્ણ બની હતી.ઉશ્કેરાયેલા ટોળાએ વાહનોને નિશાન બનાવી આગચંપી કરી હતી. અને પોલીસ પર ભારે પથ્થરમારો કર્યો હતો.
પોલીસની કાર્યવાહી: ટીયર ગેસના ગોળા છોડાયા
સ્થિતિ પર કાબૂ મેળવવા માટે પોલીસે હળવો લાઠીચાર્જ કર્યો હતો અને ટીયર ગેસના ગોળા છોડવાની ફરજ પડી હતી. હિંસક વળાંક બાદ ફેઝ-2 વિસ્તારમાં ભારે પોલીસ બળ તૈનાત કરી દેવામાં આવ્યું છે. આ અગાઉ કર્મચારીઓએ મુખ્ય માર્ગો પર ‘ચક્કાજામ’ કરતા વાહનવ્યવહાર ખોરવાયો હતો.
મુખ્ય માંગણીઓ: ₹13,000 થી વધારી ₹20,000 પગારની જીદ
કર્મચારીઓનો આરોપ છે કે, વર્તમાન મોંઘવારીમાં તેમનો પગાર પૂરતો નથી. તેમની મુખ્ય માંગણીઓ નીચે મુજબ છે:
-
માસિક લઘુત્તમ પગાર ₹13,000 થી વધારીને ₹20,000 કરવામાં આવે.
-
ઓવરટાઇમનું યોગ્ય વળતર ચૂકવવામાં આવે.
-
રજાઓની અલગ અને સ્પષ્ટ જોગવાઈ કરવામાં આવે.
