ભારતીય બેટ્સમેનોના તોફાની પ્રદર્શન અને બોલરોની ધારદાર બોલિંગને પ્રતાપે ન્યૂઝીલેન્ડને હરાવી ભારત ત્રીજી વખત T20 વર્લ્ડ ચેમ્પિયન બન્યું છે. રવિવારનો દિવસ ભારતીય ક્રિકેટ ઇતિહાસમાં સુવર્ણ અક્ષરે લખાશે. અમદાવાદના નરેન્દ્ર મોદી સ્ટેડિયમમાં રમાયેલી T20 વર્લ્ડ કપ 2026ની મહાફાઈનલમાં ભારત અને ન્યૂઝીલેન્ડ સામસામે હતા
ભારતીય ટોપ-ઓર્ડરનું તોફાન: સ્કોરબોર્ડ પર રનનો ડુંગર
ટોસ જીતીને પ્રથમ બેટિંગ કરવા ઉતરેલી ભારતીય ટીમે ન્યૂઝીલેન્ડના બોલરોની બરાબરની ધોલાઈ કરી હતી.
-
સંજુ સેમસનનો પાવર: સંજુએ માત્ર 46 બોલમાં 89 રનની આક્રમક ઇનિંગ રમીને સ્ટેડિયમમાં બેઠેલા લાખો દર્શકોને ઝૂમી ઉઠવાની તક આપી હતી.
-
અભિષેક શર્માની આતશબાજી: ઓપનિંગમાં આવેલા અભિષેકે માત્ર 21 બોલમાં 52 રન (6 ચોગ્ગા, 3 છગ્ગા) ફટકારીને ભારતને સનસનાટીભરી શરૂઆત અપાવી હતી. બંને વચ્ચે પ્રથમ વિકેટ માટે 98 રનની ભાગીદારી થઈ હતી.
-
ઈશાન કિશનની ફિફ્ટી: ત્રીજા નંબરે આવેલા ઈશાન કિશને પણ વહેતી ગંગામાં હાથ ધોઈ લીધા અને 25 બોલમાં 54 રન ઝૂડી કાઢ્યા હતા.
-
ફિનિશિંગ ટચ: અંતિમ ઓવરોમાં શિવમ દુબેએ માત્ર 8 બોલમાં 26 રનની તોફાની ઈનિંગ રમી ભારતનો સ્કોર 20 ઓવરમાં 5 વિકેટે 255 રન સુધી પહોંચાડ્યો હતો.
🇳🇿 ન્યૂઝીલેન્ડની શરણાગતિ: વિશાળ લક્ષ્ય સામે ‘કીવી’ ટીમ નબળી પડી
256 રનના પહાડ જેવા લક્ષ્યનો પીછો કરવા ઉતરેલી ન્યૂઝીલેન્ડની ટીમ શરૂઆતથી જ દબાણમાં જોવા મળી હતી.અને 19 ઓવરમાં 159માં ઓલઆઇટ થઇ ગઇ હતી..ભારતનો 96 રણથી વિજય થયો હતો..
-
શરૂઆતી આંચકા: ફિન એલન (31 રન) અને રચિન રવિન્દ્ર (1 રન) સસ્તામાં આઉટ થતા ન્યૂઝીલેન્ડની મુશ્કેલીઓ વધી ગઈ હતી.
-
ટિમ સેફર્ટની એકલપંડે લડત: સલામી બેટ્સમેન ટિમ સેફર્ટે 26 બોલમાં 52 રન (2 ચોગ્ગા, 5 છગ્ગા) ફટકારીને પ્રતિકાર કરવાનો પ્રયાસ કર્યો હતો, પરંતુ અન્ય કોઈ બેટ્સમેન તેને સાથ આપી શક્યો નહીં.
-
નિષ્ફળ મધ્યમ ક્રમ: ગ્લેન ફિલિપ્સ (5) અને માર્ક ચેપમેન (3) જેવા દિગ્ગજ ખેલાડીઓ ભારતીય બોલરો સામે ઘૂંટણિયે પડી ગયા હતા.
