ભારત બન્યું ‘અબજોપતિઓની ફેક્ટરી’: એક જ વર્ષમાં રેકોર્ડ 57 નવા અબજોપતિ ઉમેરાયા, એશિયામાં મુકેશ અંબાણીનો દબદબો યથાવત

ભારત માત્ર વિશ્વની સૌથી ઝડપથી વિકસતી અર્થવ્યવસ્થા જ નથી..પરંતુ હવે તે અમીરો પેદા કરવામાં પણ દુનિયાને પાછળ છોડી રહ્યું છે. તાજેતરમાં જાહેર થયેલા ‘હુરુન ગ્લોબલ રિચ લિસ્ટ 2026′ અનુસાર, ભારતે છેલ્લા એક વર્ષમાં રેકોર્ડબ્રેક 57 નવા અબજોપતિ આપ્યા છે. આ સાથે જ ભારત હવે ચીન અને અમેરિકા પછી વિશ્વનો ત્રીજો સૌથી વધુ અબજોપતિ ધરાવતો દેશ બની ગયો છે.

મુકેશ અંબાણી: એશિયાના ‘અનક્રાઉન્ડ કિંગ’

રિલાયન્સ ઇન્ડસ્ટ્રીઝના ચેરમેન મુકેશ અંબાણીએ ફરી એકવાર પોતાની સર્વોપરિતા સાબિત કરી છે:

• નેટવર્થ: તેમની સંપત્તિમાં 9%નો વધારો થતા તે ₹9.8 લાખ કરોડ પર પહોંચી છે.

• રેન્કિંગ: તેઓ ભારત જ નહીં.. પરંતુ સમગ્ર એશિયાના સૌથી અમીર વ્યક્તિ તરીકેનું સ્થાન જાળવી રાખવામાં સફળ રહ્યા છે.

મુંબઈ: ભારતની ‘બિલિયોનેર કેપિટલ’

ભારતની આર્થિક રાજધાની મુંબઈ અબજોપતિઓનું હબ બની ગયું છે:

• મુંબઈમાં કુલ 95 અબજોપતિ વસે છે.

• આ વર્ષે મુંબઈમાં 15 નવા અબજોપતિ ઉમેરાયા છે, જે ન્યૂયોર્ક (14) અને લંડન (9) કરતા પણ વધુ છે.

કયા સેક્ટર્સમાં થઈ રહી છે કમાણી?

માત્ર IT ક્ષેત્ર જ નહીં, પરંતુ અન્ય પાયાના ક્ષેત્રોએ પણ ભારતીયોને માલામાલ કર્યા છે:

1. હેલ્થકેર: દવાઓ અને હોસ્પિટલોની વધતી જતી માગ.

2. ઓટો કમ્પોનન્ટ્સ: ઇલેક્ટ્રિક વ્હીકલ (EV) સેક્ટરમાં આવેલો ઉછાળો.

3. એનર્જી: ગ્રીન એનર્જી અને રિન્યુએબલ સોર્સ પર ફોકસ.

4. ફાઇનાન્શિયલ સર્વિસીસ: બેંકિંગ અને ફિનટેકનું વિસ્તરણ.

હુરુન રિચ લિસ્ટની 5 મુખ્ય વાતો

1. ચીનને પછાડ્યું: ભારતીય અબજોપતિઓની સરેરાશ સંપત્તિ (₹36,570 કરોડ) હવે ચીની અબજોપતિઓ કરતા પણ વધી ગઈ છે.

2. ગૌતમ અદાણી: ₹7.5 લાખ કરોડની સંપત્તિ સાથે તેઓ બીજા સ્થાને છે, જોકે તેમની વેલ્થમાં 14%નો ઘટાડો નોંધાયો છે.

3. મહિલા શક્તિ: HCLના રોશની નાદર મલ્હોત્રા ટોપ-10 લિસ્ટમાં સ્થાન મેળવનાર એકમાત્ર ભારતીય મહિલા છે.

4. સૌથી મોટો ઉછાળો: સીરમ ઇન્સ્ટિટ્યૂટના સાયરસ પૂનાવાલાની સંપત્તિમાં આશ્ચર્યજનક 44%નો વધારો થયો છે.

5. દેશની તાકાત: કુલ 199 ભારતીયોની સંપત્તિમાં વધારો થયો છે, જે ભારતીય બજારની મજબૂતી દર્શાવે છે.

ભારતની ટોપ-10 રઈસ વ્યક્તિઓ (2026)

જ્યાં વિશ્વના ઘણા દેશો આર્થિક મંદીનો સામનો કરી રહ્યા છે.. ત્યાં ભારતીય ઉદ્યોગસાહસિકો નવા રેકોર્ડ સર્જી રહ્યા છે..કુલ 308 અબજોપતિઓ સાથે ભારત હવે વૈશ્વિક સ્તરે ‘વેલ્થ ક્રિએશન’નું મુખ્ય કેન્દ્ર બની ગયું છે.