રાજ્યસભા જંગ: કોંગ્રેસે 5 રાજ્યો માટે 6 ઉમેદવારોના નામ જાહેર કર્યા, અભિષેક મનુ સિંઘવી સહિતના દિગ્ગજો મેદાનમાં

રાજ્યસભાની આગામી ચૂંટણી માટે કોંગ્રેસે પોતાના પત્તા ખોલી દીધા છે. પાર્ટીએ પાંચ રાજ્યોની કુલ 6 બેઠકો માટે ઉમેદવારોની યાદી જાહેર કરી છે. જેમાં અનુભવી નેતાઓથી લઈને યુવા ચહેરાઓ સુધીના સમીકરણો સાધવાનો પ્રયાસ કરવામાં આવ્યો છે.

કોંગ્રેસના રાજ્યસભા ઉમેદવારોની ફાઈનલ લિસ્ટ:

ફૂલો દેવી નેતામ પર ભરોસો: 54 વર્ષીય ફૂલો દેવી નેતામ છત્તીસગઢના કોંડા ગાંવ જિલ્લાના રહેવાસી છે. લાંબા સમયથી આદિવાસી રાજકારણમાં સક્રિય હોવાથી પાર્ટીએ તેમને 2020 પછી ફરીથી સતત બીજી વાર રાજ્યસભા મોકલવાનો નિર્ણય કર્યો છે.

હરિયાણામાં દલિત કાર્ડ: કરમવીર સિંહ બૌદ્ધને ટિકિટ આપીને કોંગ્રેસે હરિયાણામાં દલિત મતો અને સંગઠનને મજબૂત કરવાનો સંકેત આપ્યો છે.

યુવા અને અનુભવનું મિશ્રણ: હિમાચલમાંથી અનુરાગ શર્મા જેવા યુવા ચહેરા અને તમિલનાડુમાં ક્રિસ્ટોફર તિલક જેવા જૂના કાર્યકરને મહત્વ આપીને સંતુલન જાળવ્યું છે.

ચૂંટણી કાર્યક્રમ પર એક નજર:

10 રાજ્યોની કુલ 37 બેઠકો માટે યોજાનારી આ ચૂંટણીની મહત્વની તારીખો નીચે મુજબ છે:

નામાંકન ભરવાની છેલ્લી તારીખ: 5 માર્ચ (આજે)

ફોર્મની ચકાસણી: 6 માર્ચ

નામ ખેંચવાની છેલ્લી તારીખ: 9 માર્ચ

મતદાન અને ગણતરી: 16 માર્ચ (સાંજે 5 વાગ્યે પરિણામ જાહેર થશે)

મહારાષ્ટ્ર, ઓડિશા, બિહાર અને પશ્ચિમ બંગાળ સહિતના રાજ્યોમાં જે સભ્યોનો કાર્યકાળ એપ્રિલમાં પૂર્ણ થઈ રહ્યો છે, તેમની ખાલી પડનારી બેઠકો માટે આ પ્રક્રિયા હાથ ધરવામાં આવી છે.