શેરબજારમાં શુક્રવાર બન્યો ‘બ્લેક ફ્રાઈડે’: સેન્સેક્સ 961 પોઈન્ટ તૂટ્યો નિફ્ટી 25,200 ની નીચે

શુક્રવારે શેરબજાર નોંધપાત્ર ઘટાડા સાથે બંધ થયું.બેન્ચમાર્ક સૂચકાંકો સેન્સેક્સ અને નિફ્ટી એક ટકાથી વધુ ઘટ્યા.30 શેરો ધરાવતો બીએસઈ સેન્સેક્સ 961.42 પોઈન્ટ એટલે કે 1.17 ટકા ઘટીને 81,287.19 પર બંધ થયો.દિવસ દરમિયાન તે 1,089.46 પોઈન્ટ એટલે કે 1.32 ટકા ઘટીને 81,159.15 પર પહોંચ્યો. 50 શેરો ધરાવતો એનએસઈ નિફ્ટી 317.90 પોઈન્ટ એટલે કે 1.25 ટકા ઘટીને 25,178.65 પર બંધ થયો.યુએસ ડોલર સામે રૂપિયો 8 પૈસા ઘટીને 90.99 પર બંધ થયો.

સેન્સેક્સ કંપનીઓની સ્થિતિ

સેન્સેક્સ પેકમાં, સન ફાર્મા, ભારતી એરટેલ, બજાજ ફિનસર્વ, ઇન્ટરગ્લોબ એવિએશન, મહિન્દ્રા એન્ડ મહિન્દ્રા અને મારુતિ મુખ્ય પાછળ રહ્યા. HCL ટેક, ટ્રેન્ટ, ઇન્ફોસિસ અને એટરનલ વધ્યા.

રોકાણકારોની સંપત્તિમાં રૂ. 4.98 લાખ કરોડનો ઘટાડો

મોટા ઘટાડાને કારણે શુક્રવારે રોકાણકારોની સંપત્તિમાં રૂ. 4.98 લાખ કરોડનો ઘટાડો થયો. BSE-લિસ્ટેડ કંપનીઓનું બજાર મૂડી એક જ દિવસમાં રૂ. 4,98,603.42 કરોડ ઘટીને રૂ. 4,63,50,671.27 કરોડ (US$5.10 ટ્રિલિયન) થઈ ગયું.

બજારમાં ઘટાડો શા માટે થયો?

નિષ્ણાંતોનામતે નબળા વૈશ્વિક બજાર સંકેતો અને વધતા ભૂરાજકીય જોખમો વચ્ચે ભારતીય બજારો સ્થિર રહ્યા છે.પરંતુ રોકાણકારોનો દૃષ્ટિકોણ વધુને વધુ સાવધ બની રહ્યો છે.યુએસ-ઈરાન પરમાણુ વાટાઘાટોમાં પ્રગતિના અભાવે મધ્ય પૂર્વમાં તણાવ વધવાનો ભય ઉભો કર્યો છે.કૃત્રિમ બુદ્ધિમત્તાને લગતી અનિશ્ચિતતા પણ રોકાણકારોને સુરક્ષિત રોકાણ તરફ આકર્ષિત કરી રહી છે.તેમણે કહ્યું કે સ્થાનિક સ્તરે, કમાણીની મોસમ પૂરી થઈ ગઈ છે અને વૈશ્વિક મેક્રો પરિબળો પ્રભુત્વ ધરાવે છે. જેના કારણે જોખમ-વિરોધી વાતાવરણ સર્જાઈ રહ્યું છે.

લાઈવલોંગ વેલ્થના સ્થાપક અને સંશોધન વિશ્લેષક હરિપ્રસાદ કે.એ જણાવ્યું કે,યુએસ-ઈરાન વાટાઘાટોની નિષ્ફળતા પછી નબળા વૈશ્વિક સંકેતો અને વધતી જતી ભૂ-રાજકીય અનિશ્ચિતતાએ રોકાણકારોના વિશ્વાસને ઓછો કર્યો છે..જેના કારણે તાજેતરના વધારા પછી ઓટો, એફએમસીજી અને ફાર્મા શેરોમાં વ્યાપક નફા-બુકિંગ થયું છે.સ્થાનિક સ્તરે કોઈ સકારાત્મક પ્રતિભાવ ન મળવાને કારણે ખાસ કરીને ટ્રેડિંગના અંતિમ કલાકો દરમિયાન ઘટાડો વધુ ઝડપી બન્યો છે.

યુરોપિયન બજારો મિશ્ર રહ્યા

એશિયન બજારોમાં, દક્ષિણ કોરિયાનો કોસ્પી ઇન્ડેક્સ 1 ટકા ઘટ્યો. જાપાનનો નિક્કી 225, શાંઘાઈનો SSE કમ્પોઝિટ ઇન્ડેક્સ અને હોંગકોંગનો હેંગ સેંગ ઇન્ડેક્સ સકારાત્મક ક્ષેત્રમાં બંધ થયો. યુરોપિયન બજારો મિશ્ર કારોબાર કરી રહ્યા હતા. ગુરુવારે યુએસ બજારો મોટાભાગે નીચા સ્તરે બંધ થયા.

બ્રેન્ટ ક્રૂડ ઓઇલના ભાવ પ્રતિ બેરલ $71.64 પર પહોંચી ગયા. વૈશ્વિક ઓઇલ બેન્ચમાર્ક બ્રેન્ટ ક્રૂડ ઓઇલ 1.26 ટકા વધીને $71.64 પ્રતિ બેરલ પર પહોંચી ગયો. એક્સચેન્જ ડેટા અનુસાર, ગુરુવારે વિદેશી સંસ્થાકીય રોકાણકારો (FII) એ ₹3,465.99 કરોડના શેર વેચ્યા હતા.જોકે, સ્થાનિક સંસ્થાકીય રોકાણકારો (DII) એ ₹5,031.57 કરોડના શેર ખરીદ્યા હતા…ગુરુવારે સેન્સેક્સ નજીવો ઘટાડો થયો હતો..જે 27.46 પોઈન્ટ અથવા 0.03 ટકા ઘટીને 82,248.61 પર બંધ થયો હતો.નિફ્ટી નજીવો વધારો થયો હતો..જે 14.05 પોઈન્ટ અથવા 0.06 ટકા વધીને 25,496.55 પર બંધ થયો હતો.