ગુજરાતમાં વધતા જતા માર્ગ અકસ્માતોની સંખ્યાને ગંભીરતાથી લઈને રાજ્ય પોલીસ વિભાગે તારીખ 25 ફેબ્રુઆરીથી એક વિશેષ ટ્રાફિક ડ્રાઈવનું આયોજન કર્યુ છે.રાજ્યના પોલીસ મહાનિરીક્ષકના આદેશથી અમદાવાદ, વડોદરા, સુરત અને રાજકોટ સહિતના તમામ શહેરો અને જિલ્લાઓમાં 25 ફેબ્રુઆરી 2026થી 10 માર્ચ 2026 સુધી આ ઝુંબેશ ચલાવવામાં આવશે.
આ નિર્ણય શા માટે લેવાયો?
પોલીસ વિભાગના જણાવ્યા અનુસાર ચાલુ વર્ષે માર્ગ અકસ્માતોમાં નોંધપાત્ર વધારો થયો છે.મોટર વાહન અધિનિયમ હેઠળની જોગવાઈઓના ઉલ્લંઘનને કારણે થતા આ અકસ્માતોને ડામવા અને ટ્રાફિકના નિયમોનું ચુસ્તપણે પાલન કરાવવા માટે 15 દિવસની મેગા ડ્રાઈવનું આયોજન કરવામાં આવ્યું છે.
8 જેટલી બાબતો પર પોલીસની ખાસ નજર રહેશે..
હેલ્મેટ : ટુ-વ્હીલર ચાલકો દ્વારા હેલ્મેટનો ઉપયોગ ન કરવો.
નંબર પ્લેટ : નંબર પ્લેટ વગરના વાહનોનો ઉપયોગ અટકાવવો.
LED લાઈટ : વાહનોમાં ગેરકાયદેસર સફેદ LED લાઈટો લગાડવી.
કાળા કાચ : મર્યાદા કરતા વધુ કાળા કાચ ધરાવતી ગાડીઓ સામે કાર્યવાહી.
ડ્રંક એન્ડ ડ્રાઈવ : નશો કરીને વાહન ચલાવનારા સામે કડક કાર્યવાહી.
