દુનિયાના સૌથી ધનિક વ્યક્તિઓની યાદીમાં સોમવારે એક મોટો ઉલટફેર જોવા મળ્યો છે.શેરબજારમાં આવેલા કડાકાએ ખાસ કરીને ‘ટેક ટાયકૂન્સ’ની ઊંઘ ઉડાવી દીધી છે.માત્ર એક જ દિવસમાં ટોપ-10 માંથી 7 અબજોપતિઓની સંપત્તિમાં કરોડો નહીં..પણ અબજો ડોલરનું ધોવાણ થયું છે.
બ્લૂમબર્ગ બિલિયોનેર ઇન્ડેક્સ અનુસાર ટેક સેક્ટરમાં આવેલી નબળાઈને કારણે ખાસ કરીને $200 અબજ ડોલર ધરાવતા ખાસ ક્લબનું કદ હવે નાનું થઈ ગયું છે.ઓરેકલના સ્થાપક લેરી એલિસનને સૌથી મોટો ઝટકો લાગ્યો છે. તેઓ એક જ દિવસમાં $6.98 અબજ ગુમાવીને આ પ્રતિષ્ઠિત ક્લબમાંથી બહાર ફેંકાઈ ગયા છે.હવે દુનિયામાં માત્ર 5 એવા નસીબદાર બચ્યા છે જેમની નેટવર્થ $200 અબજથી વધુ છે.
બજારના વિશ્લેષકોનું માનવું છે કે. અમેરિકી શેરબજારમાં આવેલી નબળાઈ અને ખાસ કરીને AI (આર્ટિફિશિયલ ઇન્ટેલિજન્સ) સ્પર્ધામાં પાછળ રહી જવાનો ડર રોકાણકારોમાં જોવા મળી રહ્યો છે. ટેસ્લા અને ઓરેકલ જેવી કંપનીઓના શેરમાં મોટા પાયે વેચવાલી નીકળતા તેના માલિકોની અંગત સંપત્તિ પર સીધી અસર પડી છે.
નિષ્કર્ષ: વર્ષ 2026ની શરૂઆતથી જ જેફ બેઝોસ અને લેરી એલિસન જેવા દિગ્ગજો માટે સમય કપરો રહ્યો છે. જોકે, આ બધાની વચ્ચે એલોન મસ્ક હજુ પણ મજબૂત સ્થિતિમાં જોવા મળી રહ્યા છે. આ ફેરફાર સાબિત કરે છે કે આજકાલ અબજોપતિઓની રેન્કિંગ ઉદ્યોગો કરતા બજારની ‘ભાવનાઓ’ પર વધુ નિર્ભર છે.
