દેવગઢ બારીયા પોલીસની મોટી સફળતા: 5 બાઇક ચોરી સહિત કુલ 12 ગુનામાં સંડોવાયેલો આંતરરાજ્ય રીઢો ગુનેગાર મધ્યપ્રદેશનો બાલગીર તોમર ઝડપાયો

ગુજરાત અને મધ્યપ્રદેશના વિવિધ જિલ્લાઓમાં બાઇક ચોરી, રાયોટિંગ, અપહરણ અને પ્રોહિબિશનના ગુના આચરી લાંબા સમયથી નાસતો ફરતો હતો; ચોરીની ૫ મોટરસાઇકલ રિકવર

ઘટનાની ટૂંકી વિગતો (એક નજરે):

• ઝડપાયેલ આરોપી: બાલગીર લાલસીંગ તોમર (રહે. ખરકાલી, તા. કઠીવાડા, જિ. અલીરાજપુર, મધ્યપ્રદેશ).

• રિકવર કરેલ મુદ્દામાલ: ચોરીની અલગ-અલગ કંપનીની ૫ મોટરસાઇકલ.

• ઉકેલાયેલા ગુના: બાઇક ચોરીના ૫ અનડિટેક્ટ ગુનાઓ ડિટેક્ટ કરાયા તથા રાયોટિંગ, અપહરણ અને પ્રોહિબિશનના ૭ ગુના મળી કુલ ૧૨ ગુનાનો ભેદ ઉકેલાયો.

પોલીસની વ્યુહાત્મક કામગીરી અને દરોડો:

પંચમહાલ રેન્જના નાયબ પોલીસ મહાનિરીક્ષક (DIG) શ્રી વિધી ચૌધરી (IPS) તથા દાહોદ પોલીસ અધિક્ષક (SP) શ્રી રવિરાજસિંહ જાડેજા (IPS) નાઓ દ્વારા વિસ્તારમાં લૂંટ, ધાડ, મિલ્કત સંબંધી ગુનાઓ અટકાવવા અને નાસતા ફરતા આરોપીઓને ઝડપી પાડવા ખાસ સૂચના આપવામાં આવી હતી. જેના અનુસંધાને લીમખેડા I/C નાયબ પોલીસ અધિક્ષક શ્રી મિત્તલ સાકરીયા તેમજ નાયબ પોલીસ અધિક્ષક શ્રી એ.કે. કલાસવા નાઓના માર્ગદર્શન હેઠળ દેવગઢ બારીયા પોલીસની ટીમો સતત વર્કઆઉટ કરી રહી હતી.

દરમિયાન, દેવગઢ બારીયા પોલીસ સ્ટેશનના ઇન્ચાર્જ પોલીસ ઇન્સ્પેક્ટર કે.કે. રાજપુતને ખાનગી રાહે ચોક્કસ બાતમી મળી હતી કે, રાયોટિંગ અને અપહરણ જેવા ગુનાઓમાં નાસતો ફરતો મધ્યપ્રદેશનો આરોપી બાલગીર લાલસીંગ તોમર નંબર વગરની બાઇક લઇને દેવગઢ બારીયાના કેલીયા ગામ થઇ ધાનપુર તરફ જવાનો છે.

બાતમીના આધારે પી.આઈ. કે.કે. રાજપુતની સૂચનાથી પો.સબ.ઇન્સ ડી.આઇ. સોલંકી તથા સ્ટાફની અલગ-અલગ ટીમોએ વ્યુહાત્મક રીતે વોચ ગોઠવીને આરોપીને બાઇક સાથે ઝડપી લીધો હતો. બાઇકના કાગળો ન હોવાથી ‘પોકેટ કોપ’ (Pocket Cop) એપ્લિકેશનની મદદથી ચેસીસ નંબર ચેક કરતા આ બાઇક ચોરીની હોવાનું ખૂલ્યું હતું.

ઘનિષ્ઠ પૂછપરછમાં આંતરરાજ્ય ગુનાઓની કબૂલાત:

પોલીસે આરોપી બાલગીર તોમરને વિશ્વાસમાં લઇ યુક્તિ-પ્રયુક્તિથી પૂછપરછ કરતા તેણે પોતાના સાગરીતો સાથે મળીને ગુજરાતના દાહોદ, વડોદરા, પંચમહાલ, છોટાઉદેપુર તેમજ મધ્યપ્રદેશના વિવિધ વિસ્તારોમાંથી વાહનો ચોર્યા હોવાની કબૂલાત કરી હતી.

આરોપીની કબૂલાતના આધારે ડિટેક્ટ થયેલા ગુના અને રિકવર થયેલી બાઇકની વિગત:

આ સિવાય આરોપી અન્ય જિલ્લાઓમાં પ્રોહિબિશન, અપહરણ અને રાયોટિંગ જેવા કુલ ૭ ગુનાઓમાં પણ નાસતો ફરતો જાહેર થયેલો છે. દેવગઢ બારીયા પોલીસે તમામ ચોરાઉ બાઇકો કબ્જે કરીને આરોપી વિરુદ્ધ આગળની કાયદેસરની તજવીજ હાથ ધરી છે.