તમિલનાડુના મુખ્યમંત્રી સી. જોસેફ વિજયે (થલપતિ વિજય) ખેડૂતોના હિતમાં એક ઐતિહાસિક અને મોટો નિર્ણય લીધો છે. નવી રચાયેલી TVK (તમિલગ વેટ્ટ્રી કઝગમ) સરકારે વિધાનસભા ચૂંટણી દરમિયાન કરેલો પોતાનો મુખ્ય વાયદો પૂરો કર્યો છે. સોમવારે મળેલી એક ઉચ્ચ સ્તરીય બેઠક બાદ મુખ્યમંત્રીએ રાજ્યના લાખો ખેડૂતોની લોન માફ કરવાની મહત્વપૂર્ણ જાહેરાત કરી છે.
કોને અને કેટલો લાભ મળશે?
સરકારની આ યોજનાનો લાભ બે અલગ-અલગ શ્રેણીના ખેડૂતોને મળશે:
-
સીમાંત (નાના) ખેડૂતો: સહકારી બેંકોમાંથી લીધેલી ₹50,000 સુધીની સંપૂર્ણ લોન માફ કરવામાં આવી છે.
-
મોટા ખેડૂતો: આવા ખેડૂતો માટે પ્રતિ ખેડૂત ₹5,000 સુધીની પાક લોન માફ કરવાની જાહેરાત કરાઈ છે.
-
સમયગાળો: આ યોજનાનો લાભ એવા ખેડૂતોને મળશે. જેમણે 1 મે 2025 થી 28 ફેબ્રુઆરી 2026 ની વચ્ચે સહકારી બેંકોમાંથી પાક લોન લીધી હોય.
યોજનાની મુખ્ય વિગતો અને આર્થિક બોજ
વિગત |
આંકડા / માહિતી |
કુલ લાભાર્થી ખેડૂતો |
14,22,555 (આશરે 14.22 લાખ) |
સરકાર પર કુલ આર્થિક બોજ |
₹2,044.46 કરોડ |
લોનનો પ્રકાર |
સહકારી બેંકોમાંથી લીધેલી પાક લોન |
સમીક્ષા બેઠકમાં લેવાયો નિર્ણય
આ મોટો નિર્ણય સોમવારે સચિવાલય ખાતે મુખ્યમંત્રી વિજયના નેતૃત્વમાં યોજાયેલી એક ખાસ સમીક્ષા બેઠકમાં લેવામાં આવ્યો હતો. આ બેઠકમાં:
-
કૃષિ અને કિસાન કલ્યાણ મંત્રી આર. વિનોથ
-
સહકારિતા મંત્રી વી. ગાંધીરાજ
-
નાણા, યોજના અને વિકાસ મંત્રી એન. મારિયા વિલ્સન
