ભારતીય શેરબજારમાં આજે ફરી એકવાર ભૂકંપ જેવી સ્થિતિ જોવા મળી છે. મધ્ય પૂર્વમાં સીઝફાયર છતાં સર્જાયેલી અનિશ્ચિતતા અને દેશમાં ડોલર બચાવવા માટે સરકાર દ્વારા લેવાનારા કડક પગલાંના ભયે રોકાણકારોના આશરે ₹5 લાખ કરોડ સ્વાહા થઈ ગયા છે.
આ પણ વાંચો…
લેટ નાઈટ સર્ચ ટ્રેન્ડ્સ: રસોઈથી લઈને મનની મૂંઝવણ સુધી, લોકો Google પર શું શોધે છે?
બજારમાં મચેલી અફરાતફરીના મુખ્ય કારણો:
-
વડાપ્રધાનનું આહવાન: PM નરેન્દ્ર મોદીએ સતત ત્રીજીવાર વિદેશી હુંડિયામણ બચાવવા માટે સોનાની ખરીદી અને બિનજરૂરી આયાત ઘટાડવા પર ભાર મૂકતા બજારમાં ફાળ પડી છે.
-
વૈશ્વિક અશાંતિ: અમેરિકા-ઈરાન વચ્ચે સમજૂતીના પ્રસ્તાવ પર સહમતિ ન સધાતા ફરી યુદ્ધના ભણકારા વાગી રહ્યા છે.
-
ક્રૂડ ઓઈલ અને મોંઘવારી: ક્રૂડ તેલના ભાવ 106 ડોલરને પાર કરી જતાં મોંઘવારી વધવાની ભીતિએ વેચવાલી વધી છે.
-
રૂપિયાનું ધોવાણ: ડોલર સામે રૂપિયો 32 પૈસા ગગડીને 64 ના અત્યાર સુધીના સૌથી નીચલા સ્તરે પહોંચી ગયો છે.
બજારના આંકડા પર એક નજર:
સૂચકાંક |
ઘટાડો (પોઈન્ટ્સ) |
બંધ સપાટી |
BSE સેન્સેક્સ |
-1444 |
74,570 |
NSE નિફ્ટી |
-428 |
23,387 |
કયા શેરોમાં ગાબડાં અને ક્યાં તેજી?
-
ઘટાડો નોંધાવનાર (Top Losers): રિલાયન્સ, અદાણી ગ્રીન, સ્ટેટ બેંક (SBI), HDFC બેંક, TCS, ઇન્ફોસીસ અને વારી એનર્જી જેવા હેવીવેઈટ શેરોમાં ભારે ધોવાણ થયું હતું.
-
વધારો નોંધાવનાર (Top Gainers): મંદીના માહોલ વચ્ચે પણ ઓઈલ ઈન્ડિયા, ONGC, ભારતી એરટેલ અને બાયોકોન જેવા શેરોમાં સામાન્ય સુધારો જોવા મળ્યો હતો.
સોના-ચાંદીમાં ‘ભડકો’
એક તરફ શેરબજારમાં રોકાણકારો રડી રહ્યા છે. ત્યારે બીજી તરફ કિંમતી ધાતુઓના ભાવ આસમાને પહોંચ્યા છે:
-
સોનું: ₹1,550 ના ઉછાળા સાથે ₹1,56,800 પર પહોંચ્યું.
-
ચાંદી: રેકોર્ડબ્રેક તેજી સાથે ₹2.74 લાખ પ્રતિ કિલોએ પહોંચી (વિશ્વબજારમાં 84 ડોલર).
