ઉત્તરપ્રદેશ મહિલા આયોગે રાજ્યમાં મહિલા સુરક્ષાને ધ્યાનમાં રાખીને એક મોટો નિર્ણય લીધો છે. એક વકીલની અરજી પર સુનાવણી કરતા મહિલા આયોગે 9 મુદ્દાની માર્ગદર્શિકા જાહેર કરી છે. આ સૂચનાઓ મુજબ, હવે રાજ્યમાં છોકરીઓને ડાન્સ શીખવવા માટે મહિલા શિક્ષિકા હોવી જરૂરી છે. આ સાથે જીમ, યોગા સેન્ટર, બુટિક વગેરે માટે પણ મહત્વની સૂચનાઓ આપવામાં આવી છે.
ઉત્તર પ્રદેશ મહિલા આયોગનો મોટો નિર્ણય
ઉત્તર પ્રદેશ રાજ્ય મહિલા આયોગે મહિલાઓની સુરક્ષાને મજબૂત કરવા માટે ઐતિહાસિક અને કડક દિશાનિર્દેશો જાહેર કર્યા છે. એડવોકેટ પ્રવીણ ફાઈટરની અરજી પર સુનાવણી કરતા આયોગે ઉત્તર પ્રદેશના મુખ્ય સચિવને 9 મુદ્દાના આદેશો લાગુ કરવાનો નિર્દેશ આપ્યો છે.
મુખ્ય માર્ગદર્શિકા નીચે મુજબ છે:
-
ટ્રેનિંગ સેન્ટર્સ: જીમ, યોગા સેન્ટર અને નાટ્ય કલા કેન્દ્રોમાં હવે મહિલા ટ્રેનર/શિક્ષિકા હોવું અનિવાર્ય રહેશે. આ સાથે ટ્રેનરનું વેરિફિકેશન (ચકાસણી) પણ કરાવવું પડશે.
-
બુટિક અને કપડાની દુકાનો: બુટિક સેન્ટરો પર મહિલા ગ્રાહકોના કપડાનું માપ માત્ર મહિલા ટેલર જ લઈ શકશે. મહિલાઓના વસ્ત્રો વેચતી દુકાનો પર પણ મહિલા કર્મચારીઓ હોવા ફરજિયાત છે.
-
CCTV સુરક્ષા: તમામ કોચિંગ સેન્ટર, જીમ, યોગા ક્લાસ અને બુટિકમાં કાર્યરત CCTV અને DVR હોવા જરૂરી છે.
-
શાળા બસો: સ્કૂલ બસોમાં હવે મહિલા સુરક્ષાકર્મી અથવા મહિલા શિક્ષિકાની હાજરી અનિવાર્ય કરવામાં આવી છે.
-
ઓળખ પત્ર: જીમ કે યોગા સેન્ટરમાં પ્રવેશ સમયે આધાર કાર્ડ અથવા ઓળખ પત્રની ફોટોકોપી જમા કરાવવી ફરજિયાત રહેશે.
-
સુવિધાઓ: કોચિંગ સેન્ટરોમાં CCTVની સાથે સાથે યોગ્ય વોશરૂમની વ્યવસ્થા પણ સુનિશ્ચિત કરવી પડશે.
