શરીરમાં મેગ્નેશિયમની પૂર્તિ: થાક અને સ્નાયુઓમાં ખેંચાણ દૂર કરવા માટે આ ૫ હેલ્ધી ફૂડ્સ છે ખૂબ જ ગુણકારી

થાક અને સ્નાયુઓમાં ખેંચાણથી છો ‘પરેશાન’? શરીરમાં મેગ્નેશિયમ વધારવા માટે ખાઓ આ ‘5 હેલ્ધી ફૂડ્સ’

આરોગ્ય અને તંદુરસ્તી માટે મેગ્નેશિયમ એ ખૂબ જ મહત્વપૂર્ણ મિનરલ છે, જે આપણા સ્નાયુઓની કાર્યપ્રણાલી અને નર્વસ સિસ્ટમને યોગ્ય રીતે ચલાવવામાં મોટી ભૂમિકા ભજવે છે. શરીરમાં મેગ્નેશિયમની ઉણપ સર્જાય ત્યારે સતત થાક રહેવો, સ્નાયુઓમાં ખેંચાણ (Cramps) થવું અને ઊંઘ ન આવવી જેવી સમસ્યાઓનો સામનો કરવો પડી શકે છે.

શરીરમાં મેગ્નેશિયમની પૂર્તિ કરવા માટે હેલ્થ એક્સપર્ટ્સ દ્વારા રોજિંદા આહારમાં ચોક્કસ ખાદ્ય પદાર્થો સામેલ કરવાની સલાહ આપવામાં આવે છે:

મેગ્નેશિયમથી ભરપૂર ૫ શ્રેષ્ઠ ખાદ્ય પદાર્થો:

  • ૧. કેળા: કેળા એ મેગ્નેશિયમ અને પોટેશિયમનો ઉત્તમ સ્રોત છે. એક હેલ્ધી અને સંતુલિત નાસ્તા તરીકે તમે તેને બદામ અને ખજૂર સાથે ખાઈ શકો છો. જો ઈચ્છો તો સ્વાદ વધારવા માટે તેમાં થોડી તજ પણ મિક્સ કરી શકાય છે.

  • ૨. કોળાના બીજ (Pumpkin Seeds): કોળાના બીજ મેગ્નેશિયમ, ઝિંક અને પ્રોટીનથી ભરપૂર હોય છે. એક ચમચી બીજને રાત્રે પાણીમાં પલાળી રાખો અને ત્યારબાદ તેને ફળો કે તમારા નાસ્તામાં મિક્સ કરીને ખાઈ શકો છો.

  • ૩. બદામ: બદામ મેગ્નેશિયમ અને વિટામિન ઇ નો સરસ સ્રોત છે. પલાળેલી બદામ પચવામાં ખૂબ જ આસાન રહે છે, તેથી દરરોજ આશરે ૫ બદામ ખાવાની ટેવ પાડવી ફાયદાકારક છે.

  • ૪. પાલક: પાલક એ મેગ્નેશિયમ, આયર્ન અને ફોલેટ પૂરા પાડતી ભાજી છે. તેને ઉકાળવાથી તેમાં રહેલા ઓક્સાલેટની માત્રા ઘટી જાય છે. પાલકને ઉકાળ્યા પછી તેનું પાણી કાઢી નાખીને તેનો ઉપયોગ સૂપ કે અન્ય હેલ્ધી વાનગીઓ બનાવવામાં કરી શકાય છે.

  • ૫. રાજગરો: રાજગરો એક પૌષ્ટિક ગ્લુટેન-ફ્રી અનાજ છે, જેમાં ફાઈબર અને પ્રોટીન ભરપૂર માત્રામાં હોય છે. પૌષ્ટિક આહાર માટે તેને મગની દાળ અને વિવિધ શાકભાજી સાથે રાંધીને ખાઈ શકાય છે.

ડૉક્ટરનો સંપર્ક ક્યારે કરવો?

જો તમને સ્નાયુઓમાં ખેંચાણ, ખૂબ થાક લાગવો અથવા હૃદયના ધબકારા ઝડપી થવા જેવી સમસ્યાઓ વારંવાર સતાવતી હોય, તો તેને નજરઅંદાજ ન કરતા ડૉક્ટરની સલાહ લેવી જરૂરી છે. આ તમામ ખાદ્ય પદાર્થો તમારા સંતુલિત આહારનો (Balanced Diet) એક ભાગ બની શકે છે, પરંતુ કોઈપણ પ્રકારની શારીરિક ઉણપ માટે તે માત્ર ખોરાક છે, દવા નહીં.

ડોક્ટરની સલાહ વગર ક્યારેય મેગ્નેશિયમ સપ્લીમેન્ટ્સ જાતે લેવાનું શરૂ ન કરવું જોઈએ, ખાસ કરીને જો તમને કિડની સંબંધિત કોઈ સ્વાસ્થ્ય સમસ્યા હોય.

Leave a Reply

Your email address will not be published. Required fields are marked *

READ MORE

READ MORE