અમેરિકાના રાષ્ટ્રપતિ ડોનાલ્ડ ટ્રમ્પે વિશ્વ રાજનીતિમાં મોટી સફળતા મેળવતા ઈઝરાયેલ અને લેબનોન વચ્ચે 10 દિવસના સીઝફાયરની (યુદ્ધવિરામ) જાહેરાત કરી છે. ટ્રમ્પે પોતાના સોશિયલ મીડિયા પ્લેટફોર્મ ‘ટ્રુથ સોશિયલ’ પર પોસ્ટ કરીને આ ઐતિહાસિક નિર્ણયની જાણકારી આપી હતી.
શાંતિની નવી આશા: ટ્રમ્પનો મોટો દાવો
ટ્રમ્પે જણાવ્યું કે, “મારી લેબનોનના રાષ્ટ્રપતિ જોસેફ આઉન અને ઈઝરાયેલના વડાપ્રધાન બેન્જામિન નેતન્યાહુ સાથે ખૂબ જ સકારાત્મક વાતચીત થઈ છે. બંને નેતાઓ ઔપચારિક રીતે 10 દિવસના સીઝફાયર માટે સંમત થયા છે.” ટ્રમ્પે વધુમાં ઉમેર્યું કે અત્યાર સુધીમાં વિશ્વના 9 યુદ્ધો ઉકેલવા તે તેમના માટે સન્માનની વાત છે અને આ તેમનું 10મું અભિયાન હશે.
વોશિંગ્ટનમાં 34 વર્ષ પછી ઐતિહાસિક મુલાકાત
-
મુખ્ય બેઠક: મંગળવારે 34 વર્ષમાં પહેલીવાર બંને દેશોના પ્રતિનિધિ મંડળો વોશિંગ્ટનમાં અમેરિકી વિદેશ મંત્રી માર્કો રુબિયો સાથે મળ્યા હતા.
-
ટીમ ટ્રમ્પ: ટ્રમ્પે ઉપરાષ્ટ્રપતિ જે.ડી. વેન્સ, વિદેશ મંત્રી રુબિયો અને જોઈન્ટ ચીફ ઓફ સ્ટાફના ચેરમેન ડેન રેજિન કેનને કાયમી શાંતિ સ્થાપવા માટે નિર્દેશ આપ્યા છે.
