રવિવારની રાત ચેન્નાઈ સુપર કિંગ્સ (CSK) માટે કોઈ દુઃસ્વપ્નથી ઓછી નહોતી. રોયલ ચેલેન્જર્સ બેંગલુરુ (RCB) ના બેટરોએ ચેન્નાઈના બોલરોને લાચાર બનાવી આઈપીએલ ઈતિહાસનું સૌથી ખરાબ પ્રદર્શન કરવા મજબૂર કર્યા હતા. આ મેચમાં બેંગલુરુએ માત્ર જીત જ નથી મેળવી, પરંતુ અનેક ઐતિહાસિક રેકોર્ડ્સ પણ પોતાના નામે કર્યા છે.
આ પણ વાંચો…
ગુજરાતમાં આગામી
24 કલાક ભારે: બે સિસ્ટમ સક્રિય થતા અનેક જિલ્લાઓમાં ‘યલો એલર્ટ’
સ્કોરબોર્ડ પર રનનો પહાડ: 250 રનનો ટાર્ગેટ
બેંગલુરુએ નિર્ધારિત 20 ઓવરમાં માત્ર 3 વિકેટ ગુમાવીને 250 રનનો વિશાળ સ્કોર ખડક્યો હતો.
-
આ IPL ઈતિહાસમાં બેંગલુરુનો ત્રીજો સૌથી મોટો સ્કોર છે.
-
ચેન્નાઈ વિરુદ્ધ કોઈપણ ટીમ દ્વારા બનાવવામાં આવેલો આ અત્યાર સુધીનો સૌથી હાઈએસ્ટ સ્કોર છે. (આ અગાઉ પંજાબ અને ગુજરાતે 231 રન બનાવ્યા હતા).
-
હૈદરાબાદ (5 વખત) પછી બેંગલુરુ (3 વખત) 250+ સ્કોર કરનારી બીજી ટીમ બની છે.
-
ડેથ ઓવર્સમાં બેટરોનો તાંડવ
મેચના અંતિમ તબક્કામાં બેંગલુરુના બેટરોએ સુનામી સર્જી હતી:
-
અંતિમ 5 ઓવર: બેંગલુરુએ છેલ્લી 5 ઓવરમાં 97 રન ઝૂડ્યા, જે IPL ઈતિહાસમાં સંયુક્ત રીતે બીજા ક્રમનો હાઈએસ્ટ સ્કોર છે.
-
ટિમ ડેવિડનો પાવર: 15મી ઓવરમાં આવેલા ટિમ ડેવિડે અણનમ 70 રન ફટકાર્યા. તેણે માત્ર ડેથ ઓવર્સમાં જ 68 રન બનાવ્યા, જે એક નવો રેકોર્ડ છે.
-
સરફરાઝ ખાનની કમાલ: સરફરાઝ ખાન ચોથા ક્રમે બેટિંગમાં આવીને પાવરપ્લેમાં 50 રન પૂરા કરનાર પ્રથમ ખેલાડી બન્યો છે.
ચેન્નાઈ સામે જીતનો ચોગ્ગો
આ જીત સાથે બેંગલુરુએ ચેન્નાઈ સામે સતત ચોથો વિજય નોંધાવ્યો છે. IPL ઈતિહાસમાં આ પ્રથમ વખત બન્યું છે કે RCBએ ચેન્નાઈને સતત 4 મેચમાં પરાજય આપ્યો હોય. આ તમામ જીતમાં બેંગલુરુએ 190થી વધુના સ્કોરનો સફળતાપૂર્વક બચાવ કર્યો છે.
સિક્સરનો અનોખો વર્લ્ડ રેકોર્ડ
આ મેચ સિક્સરોના મામલે પણ ઐતિહાસિક રહી:
-
ચેન્નાઈના 9 અલગ-અલગ બેટરોએ સિક્સર ફટકારી હતી. વિશ્વ ક્રિકેટમાં આ પહેલીવાર બન્યું છે કે એક જ ઇનિંગમાં 9 અલગ ખેલાડીઓએ સિક્સ મારી હોય.
-
બંને ટીમના કુલ મળીને 14 ખેલાડીઓએ આ મેચમાં સિક્સર ફટકારી હતી.
