વડાપ્રધાન નરેન્દ્ર મોદી ઇઝરાયલની બે દિવસીય મુલાકાતે છે. ઇઝરાયલી વડાપ્રધાન બેન્જામિન નેતન્યાહૂએ બુધવારે પીએમ મોદીની પ્રશંસાનો વરસાદ કર્યો.. તેમને ફક્ત તેમના મિત્ર જ નહીં..પરંતુ ભાઈ કરતાં પણ વધુ ગણાવ્યા. તેમણે ભારતની તેમની લાંબા સમયથી ચાલતી મિત્રતા માટે આભાર માન્યો, કહ્યું કે તે એકમાત્ર સભ્યતા છે જ્યાં યહૂદીઓનું સ્વાગત કરવામાં આવ્યું છે અને તેમને સતાવવામાં આવ્યા નથી.
ઇઝરાયલી સંસદ (નેસેટ) માં વડાપ્રધાન મોદીની સાથે ઉભા રહીને તેમણે કહ્યું, “વિશ્વના એક મહાન નેતા..જેરુસલેમમાં આપનું સ્વાગત છે.. મારા પ્રિય મિત્ર, વડાપ્રધાન નરેન્દ્ર મોદી અને તમારા પ્રતિષ્ઠિત પ્રતિનિધિમંડળ. મેં કહ્યું, ‘નરેન્દ્ર, મારા પ્રિય મિત્ર, આ ફક્ત શબ્દો નથી. હું લગભગ કહેવાની હિંમત કરીશ કે તમે મિત્ર કરતાં પણ વધુ છો, તમે ભાઈ છો.'”
જ્યારે પીએમ મોદી તેલ અવીવના બેન ગુરિયન એરપોર્ટ પર ઉતર્યા, ત્યારે નેતન્યાહૂ અને તેમની પત્ની સારા વ્યક્તિગત રીતે તેમનું સ્વાગત કરવા પહોંચ્યા.ઇઝરાયલી વડાપ્રધાને પીએમ મોદીને “ઇઝરાયલના મહાન મિત્ર, ભારત-ઇઝરાયલ જોડાણના મહાન ચેમ્પિયન, એક મહાન વિશ્વ નેતા” તરીકે વર્ણવ્યા હતા..નેતન્યાહૂએ પીએમ મોદીની 2017ની ઇઝરાયલ મુલાકાતને યાદ કરી અને કહ્યું કે બંને દેશોએ ત્યારથી “ચમત્કારો” કર્યા છે.
પીએમ મોદીને સંબોધતા નેતન્યાહૂએ કહ્યું, “જ્યારે તમે છેલ્લી વાર અહીં હતા.. ત્યારે અમે બંને ભૂમધ્ય સમુદ્રના કિનારે હતા.. અને મેં કહ્યું, ‘આપણે અમારા જૂતા ઉતારીને પાણી પર કેમ ન ચાલીએ?’… અમે પાણી પર ચાલ્યા નથી..પરંતુ ત્યારથી અમે ચોક્કસપણે ચમત્કારો કર્યા છે.કારણ કે અમે જે કર્યું છે તે અમારા વેપારને બમણો કર્યો છે.. અમારા સહયોગને ત્રણ ગણો કર્યો છે અને અમારી પરસ્પર સમજણને ચાર ગણી કરી છે.”
