“મારા બે રશિયન મહિલાઓ સાથે સંબંધ હતા..”બિલ ગેટ્સે કબૂલાત કરી, એપ્સ્ટેઇન સાથેના સંબંધો માટે કર્મચારીઓની માફી માંગી

એપ્સ્ટેઇન ફાઇલ્સમાં તેમનું નામ આવ્યા બાદ બિલ ગેટ્સ હવે માફી માંગી..તેમણે ગેટ્સ ફાઉન્ડેશનના કર્મચારીઓની જાહેરમાં માફી માંગી હતી.એપ્સ્ટેઇન સંબંધિત નવા દસ્તાવેજો જાહેર થયા બાદ તેમણે આ માફી માંગી હતી…ફાઉન્ડેશનના પ્રવક્તાએ શેર કરેલા નિવેદન મુજબ, ગેટ્સે તાજેતરમાં ટાઉન હોલ મીટિંગ દરમિયાન એપ્સ્ટેઇન સાથેના તેમના સંબંધો અંગેના પ્રશ્નોના જવાબ આપ્યા હતા…ટાઉન હોલમાં ગેટ્સે એપ્સ્ટેઇન ફાઇલ્સમાં ઉલ્લેખિત બે રશિયન મહિલાઓ સાથે સંબંધ હોવાનું સ્વીકાર્યું હતું…તેમણે એ પણ સ્પષ્ટ કર્યું કે..આ સંબંધ એપ્સ્ટેઇનના પીડિતો સાથે સંબંધિત નથી.

યુએસ જસ્ટિસ ડિપાર્ટમેન્ટે ગેટ્સ અને એપ્સ્ટેઇન વચ્ચેની ઘણી બેઠકોના ફોટોગ્રાફ્સ જાહેર કર્યા ત્યારથી ગેટ્સ ટીકાનો સામનો કરી રહ્યા છે.દસ્તાવેજોમાં માઈક્રોસોફ્ટના સહ-સ્થાપકના મહિલાઓ સાથે પોઝ આપતા ફોટા જાહેર કરવામાં આવ્યા હતા. મહિલાઓના ચહેરા ઝાંખા પડી ગયા હતા.

એક આંતરિક બેઠક દરમિયાન ગેટ્સે કર્મચારીઓને કહ્યું કે.. એપ્સ્ટેઇન સાથે સમય વિતાવવો અને તેમની સાથેની બેઠકોમાં વરિષ્ઠ ફાઉન્ડેશન અધિકારીઓનો સમાવેશ કરવો એ “મોટી ભૂલ” હતી.તેમણે કહ્યું કે, “મારી ભૂલને કારણે આમાં જે અન્ય લોકો ઘસાયા હતા તેમની હું માફી માંગુ છું.” ગેટ્સે કર્મચારીઓને એમ પણ કહ્યું કે,”મેં કંઈ ગેરકાયદેસર કર્યું નથી. મેં કંઈ ગેરકાયદેસર થતું જોયું નથી.મેં ક્યારેય એપ્સટાઇનના પીડિતો કે તેમની આસપાસની મહિલાઓ સાથે સમય વિતાવ્યો નથી.