ભારત-પાક મેચનો ‘હાઈ-વોલ્ટેજ’ ખર્ચ! 4 કલાકની સફર અને ભાડું ₹1 લાખને પાર, ક્રિકેટ ચાહકોના ખિસ્સા પર ‘બાઉન્સર’.

ભારત અને પાકિસ્તાન વચ્ચે T20 ક્રિકેટ વર્લ્ડ કપ 2026 મેચ 15 ફેબ્રુઆરીએ રમાશે.શ્રીલંકાની રાજધાની કોલંબોમાં આ મેચ સાંજે 7 વાગ્યે IST પર શરૂ થશે.મેચ પહેલા જ કોલંબો માટે વિમાન ભાડા આસમાને પહોંચી ગયા છે.જો તમે શનિવાર કે રવિવારે કોલંબો જવા માંગતા હો તો તમારે થોડો વધુ ખર્ચ કરવો પડશે.એર ઇન્ડિયાની ફ્લાઇટનું ભાડું ₹100,000ને વટાવી ગયું છે.દિલ્હીથી કોલંબો જવાની ફ્લાઇટમાં લગભગ 4 કલાક લાગે છે.

ભાડું કેટલું છે?

કોલંબો માટે વિમાન ભાડું પ્રતિ મુસાફર

દિલ્હીથી કોલંબો

શુક્રવારે એર ઇન્ડિયાની નોનસ્ટોપ ફ્લાઇટનો ખર્ચ ₹63,030 અને ₹81,032 હતો..શ્રીલંકન એરલાઇન્સનું ભાડું ₹32,746 બતાવી રહ્યું છે.

શનિવારે એર ઇન્ડિયાની નોનસ્ટોપ ફ્લાઇટનું ભાડું ₹90,031 થી ₹1,09,340 સુધી હતું.શ્રીલંકન એરલાઇન્સનું ભાડું ₹1,45,220 હતું.

રવિવારે એર ઇન્ડિયાની નોનસ્ટોપ ફ્લાઇટનું ભાડું ₹1,09,340 હતું..જ્યારે શ્રીલંકન એરલાઇન્સનું ભાડું ₹65,915 હતું.શ્રીલંકન એરલાઇન્સનું ભાડું ઓછું છે કારણ કે ફ્લાઇટ કોલંબો પહોંચે અને મુસાફરો એરપોર્ટથી બહાર નીકળે ત્યાં સુધીમાં મેચ સમાપ્ત થઈ ગઈ હશે.

મુંબઈથી કોલંબો

મુંબઈથી કોલંબોનું હવાઈ અંતર અઢીથી સાડા ત્રણ કલાકનું છે. શુક્રવારે ઇન્ડિગોની નોનસ્ટોપ ફ્લાઇટનું ભાડું ₹22,943, એર ઇન્ડિયાનું ₹28,035 અને શ્રીલંકન એરલાઇન્સનું ₹66,123 હતું.

શનિવારે,ઇન્ડિગો એરલાઇન્સનું ભાડું ₹47,818, શ્રીલંકન એરલાઇન્સનું ભાડું ₹56,525 થી ₹63,377 અને એર ઇન્ડિયાનું ફ્લાઇટ ભાડું ₹80,031 હતું.

રવિવારે એર ઇન્ડિયાનું ફ્લાઇટ ભાડું ₹28,035, ઇન્ડિગોનું ભાડું ₹32,803 અને શ્રીલંકન એરલાઇન્સનું ભાડું ₹66,123 હતું.

શ્રીલંકાના પ્રવાસન ઉદ્યોગમાં કટોકટી

શ્રીલંકાના પ્રવાસન ઉદ્યોગ હાલમાં કટોકટીનો સામનો કરી રહ્યો છે.સેન્ટ્રલ બેંક ઓફ શ્રીલંકાના એક અહેવાલ મુજબ, શ્રીલંકામાં પ્રવાસીઓની સંખ્યામાં વધારો થવા છતાં આવકમાં ઘટાડો થયો છે.અહેવાલમાં જણાવાયું છે કે, જાન્યુઆરી 2026માં શ્રીલંકાની મુલાકાત લેતા પ્રવાસીઓની આવકમાં વાર્ષિક ધોરણે આશરે 5.6% ઘટાડો થયો છે.

જાન્યુઆરી 2025માં શ્રીલંકાએ પ્રવાસનથી 400.7 મિલિયન ડોલરની કમાણી કરી હતી.જાન્યુઆરી 2026માં આ આવક ઘટીને 378.3 મિલિયન ડોલર થઈ ગઈ.શ્રીલંકાને આશા છે કે ભારત-પાકિસ્તાન મેચ શ્રીલંકામાં મોટી સંખ્યામાં મુલાકાતીઓ લાવશે અને દેશના અર્થતંત્રને મજબૂત બનાવવામાં ફાળો આપશે.