ભારત બનશે ગ્લોબલ AI હબ! PM મોદી કરશે મેગા AI શોનું ઉદ્ઘાટન, સુંદર પિચાઈ સહિતના ટેક દિગ્ગજોનો જમાવડો.

ભારત કૃત્રિમ બુદ્ધિમત્તાની દુનિયામાં એક મોટું પગલું ભરવા માટે તૈયાર છે..નવી દિલ્હીમાં યોજાનારી ઇન્ડિયા AI ઇમ્પેક્ટ સમિટ 2026 માત્ર એક ટેક ઇવેન્ટ જ નહીં પરંતુ ભવિષ્યની ટેકનોલોજી, નીતિઓ અને નવીનતા માટે એક મુખ્ય પ્લેટફોર્મ પણ હશે.વડાપ્રધાન નરેન્દ્ર મોદી આ હાઇ-પ્રોફાઇલ સમિટનું ઉદ્ઘાટન કરશે.જેમાં વિશ્વભરના અગ્રણી ટેક નેતાઓ અને નીતિ નિર્માતાઓ હાજરી આપશે.

ક્યારે અને ક્યાં યોજાશે આ કાર્યક્રમ ?

ઇન્ડિયા AI ઇમ્પેક્ટ સમિટ 2026 16થી 20 ફેબ્રુઆરી દરમિયાન નવી દિલ્હીના પ્રગતિ મેદાન સ્થિત ભારત મંડપમ ખાતે યોજાશે.આ પાંચ દિવસનો કાર્યક્રમ હશે.જેમાં વિવિધ ક્ષેત્રો અને વિષયોને આવરી લેતા સત્રો હશે.આયોજકોના જણાવ્યા અનુસાર આ સમિટ દરરોજ સવારે 10:00 વાગ્યે શરૂ થશે અને સાંજે 6:00 વાગ્યા સુધી ચાલુ રહેશે.

સમિટમાં પેનલ ચર્ચાઓ, પ્રસ્તુતિઓ અને નવી ટેકનોલોજીના લાઇવ ડેમો દર્શાવવામાં આવશે.વૈશ્વિક AI નિષ્ણાતો અને ઉદ્યોગના નેતાઓ તેમના અનુભવો અને આંતરદૃષ્ટિ શેર કરશે.આ પ્લેટફોર્મ પર સંશોધન, ઉદ્યોગ અને ટેકનોલોજી સંબંધિત ઘણી મોટી જાહેરાતો પણ થવાની અપેક્ષા છે.

ભારત મંડપમ ખાતે ભવ્ય વ્યવસ્થા

આ વર્ષે દેશના સૌથી મોટા કન્વેન્શન સેન્ટરોમાંના એક ભારત મંડપમ ખાતે સમિટ યોજાઈ રહી છે..તેમાં 70,000 ચોરસ મીટરથી વધુનો પ્રદર્શન વિસ્તાર છે.આ કાર્યક્રમમાં 400થી વધુ પ્રદર્શકો અને સાત થીમેટિક પેવેલિયન દર્શાવવાનું આયોજન છે.જ્યાં સ્ટાર્ટઅપ્સ, સંશોધન સંસ્થાઓ અને મુખ્ય ટેક કંપનીઓ તેમની AI ટેકનોલોજીનું પ્રદર્શન કરશે..આ કાર્યક્રમમાં પહોંચવા માટે સૌથી નજીકનું મેટ્રો સ્ટેશન સુપ્રીમ કોર્ટ મેટ્રો સ્ટેશન (બ્લુ લાઇન) છે.

શું હશે સમિટનું મુખ્ય કેન્દ્ર ?

આ સમિટનો મુખ્ય વિષય ‘AI for Social Good’ છે. જેનો અર્થ સમાજના લાભ માટે કૃત્રિમ બુદ્ધિનો ઉપયોગ છે..આરોગ્ય, કૃષિ, શિક્ષણ અને અન્ય મહત્વપૂર્ણ ક્ષેત્રોમાં AI ના ઉપયોગ પર વિશેષ ચર્ચાઓ થશે.આ કાર્યક્રમ દરમિયાન એક AI કમ્પેન્ડિયમ પણ બહાર પાડવામાં આવશે. જેમાં વિવિધ ક્ષેત્રોમાં AI ના વાસ્તવિક-વિશ્વના ઉપયોગોના ઉદાહરણો શામેલ હશે.

વિશ્વભરના મુખ્ય ટેક નેતાઓ ભાગ લેશે.

મીડિયા રિપોર્ટ્સ અનુસાર આ સમિટ માટે વૈશ્વિક સ્તરે ઘણો ઉત્સાહ છે. અને અત્યાર સુધીમાં 35,000થી વધુ લોકોએ નોંધણી કરાવી છે.ગૂગલ અને આલ્ફાબેટના સીઈઓ સુંદર પિચાઈ, એનવીડિયાના સ્થાપક જેન્સેન હુઆંગ, ડીપમાઇન્ડના સીઈઓ ડેમિસ હાસાબીસ, માઇક્રોસોફ્ટના પ્રમુખ બ્રેડ સ્મિથ અને ક્વાલકોમના સીઈઓ ક્રિસ્ટિયાનો એમોન હાજરી આપે તેવી અપેક્ષા છે.ઓપનએઆઈના સીઈઓ સેમ ઓલ્ટમેન પણ ભારતની મુલાકાતે આવવાના છે.

ભારતીય ઇન્ક.અને વૈશ્વિક નેતાઓની હાજરી

ટેક ઉદ્યોગ ઉપરાંત,મુકેશ અંબાણી, સુનીલ ભારતી મિત્તલ અને નંદન નિલેકણી જેવા ભારતીય ઉદ્યોગના અગ્રણી નામો પણ હાજરી આપે તેવી અપેક્ષા છે.વધુમાં બિલ ગેટ્સ, વર્લ્ડ ઇકોનોમિક ફોરમના સીઈઓ બોર્જ બ્રેન્ડે, 15-20 દેશોના પ્રતિનિધિઓ, આશરે 50 મંત્રીઓ અને 40 થી વધુ વૈશ્વિક અને ભારતીય સીઈઓ ભાગ લે તેવી અપેક્ષા છે.

કેવી રીતે નોંધણી કરાવવી?

આ જાહેર જનતા માટે ખુલ્લું પ્રદર્શન નથી..પરંતુ એક વ્યાવસાયિક AI સમિટ છે.અલગ ઍક્સેસ શ્રેણીઓ બનાવવામાં આવી છે.સામાન્ય પ્લેટફોર્મ પર ટિકિટ ઉપલબ્ધ નથી.રસ ધરાવતા સહભાગીઓએ ઇન્ડિયા એઆઈ ઇમ્પેક્ટ સમિટની સત્તાવાર વેબસાઇટ પર ‘રજિસ્ટર નાઉ’ વિકલ્પ દ્વારા અરજી કરવાની રહેશે.અહેવાલો અનુસાર અત્યાર સુધીમાં 35,000 થી વધુ લોકોએ નોંધણી કરાવી છે.