ડિજિટલ દુનિયામાં ‘સન્નાટો’: ભારતમાં X ની સેવાઓ ખોરવાતા કરોડો યુઝર્સ અટવાયા, જાણો શું છે કારણ.

ગુરુવારે 5 ફેબ્રુઆરીએના રોજ ભારતમાં લોકપ્રિય સોશિયલ મીડિયા પ્લેટફોર્મ X (અગાઉ ટ્વિટર) અચાનક સાંજે 4 વાગ્યે ડાઉન થઈ ગયું.ડાઉનટાઇમ રિપોર્ટ્સ પર નજર રાખતી વેબસાઇટ ડાઉન ડિટેક્ટર અનુસાર, X વેબસાઇટ વપરાશકર્તાઓ આ સમસ્યાથી સૌથી વધુ પ્રભાવિત થયા છે. જ્યારે કેટલાક એપ્લિકેશનમાં સમસ્યાઓ અનુભવી રહ્યા છે.

વેબસાઇટ વપરાશકર્તાઓ મુશ્કેલીમાં

ડાઉન ડિટેક્ટર અનુસાર લગભગ 64% વપરાશકર્તાઓએ વેબસાઇટમાં સમસ્યાઓની જાણ કરી છે. જ્યારે 23% લોકોએ એપ્લિકેશનમાં સમસ્યાઓની જાણ કરી છે. દરમિયાન, 13% લોકો કહે છે કે તેઓ લોગ ઇન અથવા લોગ આઉટ કરવામાં સમસ્યા અનુભવી રહ્યા છે.ભારતમાં સૌથી વધુ X ડાઉનટાઇમ રિપોર્ટ્સ દિલ્હી, મુંબઈ, હૈદરાબાદ, બેંગલુરુ અને ચેન્નાઈથી નોંધાયા છે.

X વેબસાઇટ પેજ રિફ્રેશ સમસ્યાઓનો સામનો કરી રહી છે.વપરાશકર્તાઓના મતે, પેજ રિફ્રેશ કરવાથી એક સંદેશ દેખાય છે..જેમાં કહેવામાં આવ્યું છે કે, “કંઈક ખોટું થયું છે. ફરીથી લોડ કરવાનો પ્રયાસ કરો.”

ઇન્સ્ટાગ્રામ પણ ડાઉન થઈ ગયું

5 ફેબ્રુઆરીની સવારે ઇન્સ્ટાગ્રામ પણ થોડા સમય માટે વિશ્વભરમાં ડાઉન રહ્યું. કમ્પ્યુટર અથવા બ્રાઉઝર દ્વારા ઇન્સ્ટાગ્રામ ઍક્સેસ કરવાનો પ્રયાસ કરનારાઓ માટે આ આઉટેજ સૌથી ગંભીર હતું. ટ્રેકિંગ વેબસાઇટ ડાઉનડિટેક્ટરના ડેટા અનુસાર ગુરુવારે ભારતીય સમય મુજબ સવારે 7:00 વાગ્યા સુધીમાં, 10,000 થી વધુ વપરાશકર્તાઓએ સમસ્યાની જાણ કરી હતી.જો કે, ઇન્સ્ટાગ્રામની પેરેન્ટ કંપની મેટાએ હજુ સુધી આઉટેજના કારણ અંગે સત્તાવાર નિવેદન જારી કર્યું નથી.

ઇન્સ્ટાગ્રામની વેબસાઇટ પર અસર

અહેવાલો અનુસાર સમસ્યા ઇન્સ્ટાગ્રામ મોબાઇલ એપ્લિકેશન અને વેબસાઇટ બંને પર દેખાઈ રહી હતી.જો કે, બ્રાઉઝર પર ચાલતી વેબસાઇટ સંપૂર્ણપણે ડાઉન હતી.ઘણા લોકોએ લોગિન ભૂલના સ્ક્રીનશોટ અને ફીડ પર પ્રદર્શિત “માફ કરશો, કંઈક ખોટું થયું” સંદેશ શેર કર્યો.