ગૌતમ અદાણીની આ કંપની સતત બીજા વર્ષે બની ભારતની શ્રેષ્ઠ વીજ કંપની: ટાટા અને સરકારી કંપનીઓને પણ પછાડી

અદાણી ગ્રુપની ફ્લેગશિપ કંપની અદાણી ઇલેક્ટ્રિસિટી મુંબઈ લિમિટેડ (AEML) એ સતત બીજા વર્ષે ભારતની સર્વોચ્ચ વીજ વિતરણ કંપની તરીકેનું સ્થાન જાળવી રાખ્યું છે.કંપનીએ 92.5 નો સ્કોર મેળવ્યો છે. જે તેના ઉત્કૃષ્ટ પ્રદર્શનને દર્શાવે છે.

દેશભરની 66 વીજ વિતરણ કંપનીઓના મૂલ્યાંકનમાં અદાણી ઇલેક્ટ્રિસિટીને ‘A+’ રેટિંગ મળ્યું છે. આ રેટિંગ મુખ્યત્વે નીચેના માપદંડોના આધારે આપવામાં આવ્યું છે:

• સતત અને શ્રેષ્ઠ વીજ પુરવઠો.

• ચોકસાઈભર્યું બિલિંગ.

• ગ્રાહકોની ફરિયાદોનું ઝડપી નિરાકરણ.

મેનેજમેન્ટનું શું કહેવું છે?

કંપનીના મેનેજિંગ ડિરેક્ટર અને CEO કંદર્પ પટેલે જણાવ્યું હતું કે, સતત બીજી વખત નંબર-1 સ્થાન જાળવી રાખવું એ તેમની ટીમની મહેનત અને શિસ્તનું પરિણામ છે. આ સિદ્ધિ માત્ર આંકડાઓ પૂરતી સીમિત નથી.પરંતુ તે ગ્રાહકોના અતૂટ વિશ્વાસને પણ દર્શાવે છે. કંપની મુંબઈના ગ્રાહકોને કોઈપણ અવરોધ વગર ભરોસાપાત્ર સેવા આપવા માટે કટિબદ્ધ છે.

રિપોર્ટની મુખ્ય વિગતો:

કેન્દ્રીય ઉર્જા મંત્રાલય અને REC લિમિટેડ દ્વારા સંયુક્ત રીતે બહાર પાડવામાં આવેલ ‘ડિસ્ટ્રિબ્યુશન યુટિલિટીઝ રેન્કિંગ (DUR)’ અને ‘કન્ઝ્યુમર સર્વિસ રેટિંગ ઓફ ડિસ્કોમ્સ (CSRD)’ રિપોર્ટમાં આ ખુલાસો થયો છે.

• ક્ષેત્રમાં સુધારો: આ વખતે કુલ 6 કંપનીઓને A+ રેટિંગ મળ્યું છે. જે દર્શાવે છે કે વીજ વિતરણ ક્ષેત્રમાં ગ્રાહક સેવા અને નાણાકીય શિસ્તમાં સુધારો થયો છે.

• અદાણીની સફળતાના કારણો: નાણાકીય મજબૂતી, સંસાધનોનો શ્રેષ્ઠ ઉપયોગ, સપ્લાય પ્લાનિંગ અને સ્માર્ટ મીટર તેમજ ડેટા એનાલિસિસ જેવી આધુનિક ડિજિટલ ટેકનોલોજીનો ઉપયોગ.

ટોપ પરફોર્મર્સમાં અન્ય કંપનીઓ:

આ રેન્કિંગમાં ખાનગી અને સરકારી બંને ક્ષેત્રની કંપનીઓ સામેલ હતી. ટોચની કંપનીઓમાં નીચેની કંપનીઓનો પણ સમાવેશ થાય છે:

1. ટાટા પાવર દિલ્હી ડિસ્ટ્રિબ્યુશન લિમિટેડ

2. નોઈડા પાવર કંપની લિમિટેડ

3. દક્ષિણ ગુજરાત વિજ કંપની લિમિટેડ (DGVCL)

4. બૃહન્મુંબઈ ઇલેક્ટ્રિક સપ્લાય એન્ડ ટ્રાન્સપોર્ટ (BEST)