ધ્રૂજ્યું કોલકાતા: લાઈવ સ્પીચ દરમિયાન કેન્દ્રીય મંત્રીએ અનુભવ્યા આંચકા, દહેશતને કારણે લોકો રસ્તા પર દોડી આવ્યા.

કોલકાતા સહિત ઉત્તર-પૂર્વ ભારતના અનેક હિસ્સાઓમાં ભૂકંપના કારણે ભારે ધ્રુજારી અનુભવાઈ હતી…બાંગ્લાદેશમાં 5.7 ની તીવ્રતાના ભૂકંપ બાદ શુક્રવારે સવારે કોલકાતા અને ઉત્તરપૂર્વ ભારતના કેટલાક ભાગોમાં જોરદાર ભૂકંપ અનુભવાયો હતો…ભૂકંપ ભારતીય સમય મુજબ સવારે 10:08 વાગ્યે આવ્યો હતો.તેનું કેન્દ્રબિંદુ 23.77° ઉત્તર અક્ષાંશ અને 90.51° પૂર્વ રેખાંશ પર 10 કિલોમીટરની ઊંડાઈએ હતું..

ઇન્ટરનેટ વપરાશકર્તાઓએ સોશિયલ મીડિયા પર ભૂકંપના વાસ્તવિક સમયના વીડિયો શેર કર્યા.એક વીડિયોમાં ઝુમ્મર જોરથી ધ્રુજતો જોવા મળ્યો હતો..જયારે બીજા વીડિયોમાં દિવાલો પર લટકતી વસ્તુઓ અને પાણીની બોટલો ખડખડાટ કરતી જોવા મળી હતી..

એક યુઝરે ઇન્સ્ટાગ્રામ પર લખ્યું કે.. તેમને કોલકાતામાં જોરદાર ભૂકંપનો અનુભવ થયો હતો..તેમણે પોતાનો અનુભવ શેર કર્યો હતો..ભૂકંપને”ખૂબ શક્તિશાળી” ગણાવ્યો હતો. જોકે તે ફક્ત થોડીક સેકન્ડ જ રહ્યો.શેર કરેલા વીડીયોમાં ભૂકંપ પછી પાણીની બોટલ ધ્રુજતી દેખાઈ  હતી..

ભૂકંપના આંચકાઓએ શહેરમાં ગભરાટ ફેલાવ્યો હતો.. લોકોએ સોશિયલ મીડિયા પર પોતાની ચિંતા વ્યક્ત કરી…એક યુઝરે ઇન્સ્ટાગ્રામ પર લખ્યું કે, “આ ભૂકંપ 30 સેકન્ડથી વધુ સમય સુધી રહ્યો અને ખૂબ જ શક્તિશાળી હતો.” બીજાએ લખ્યું, “હે ભગવાન! આ અત્યાર સુધીનો સૌથી ભયાનક ભૂકંપ છે જે મેં અનુભવ્યો છે; આખી ઇમારત શાબ્દિક રીતે હલી ગઈ.ત્રીજા યુઝરે લખ્યું, “કોલકાતામાં સવારે 10:10 વાગ્યે જોરદાર ભૂકંપ અનુભવાયા. દરેકની સલામતી માટે પ્રાર્થના.”