દહેજ ઉત્પીડન અને ઘરેલું હિંસાના એક કેસમાં સોમવારે સુપ્રીમ કોર્ટે એક અત્યંત મહત્વનો ચુકાદો સંભળાવ્યો છે. દેશની સર્વોચ્ચ અદાલતે સ્પષ્ટ કર્યું છે કે, માત્ર મૌખિક દાવાઓ કે સામાન્ય આક્ષેપોના આધારે પતિના સંબંધીઓ એટલે કે સાસરિયાં પક્ષ પર કેસ ચલાવી શકાય નહીં; તેના માટે નક્કર પુરાવા હોવા જરૂરી છે. આ ટિપ્પણી સાથે કોર્ટે સાસરિયાં વિરુદ્ધ દહેજ ઉત્પીડન (IPC ની કલમ 498A) હેઠળ નોંધાયેલો કેસ રદ કરી દીધો છે.
જસ્ટિસ સંજય કરોલ અને જસ્ટિસ નોંગમેઇકાપમ કોટીશ્વર સિંહની બેન્ચે જણાવ્યું હતું કે, માત્ર નાના-મોટા આક્ષેપો કરીને આખા પરિવારને કોર્ટના ચક્કરમાં ઘસી ન શકાય.
આ પણ વાંચો:
લિવર રહેશે સુપર ફિટ અને હેલ્ધી: રોજિંદા ડાયેટમાં સામેલ કરો આ 5 અકસીર વસ્તુઓ
📌 શું હતો સમગ્ર મામલો?
આ કેસ મધ્યપ્રદેશના ગુના (Guna) શહેરનો છે.
-
લગ્ન અને ફરિયાદ: એક મહિલાના લગ્ન નવેમ્બર 2019માં થયા હતા. ત્યારબાદ જાન્યુઆરી 2023માં મહિલાએ તેના પતિ અને સાસરિયાં વિરુદ્ધ આઈપીસીની કલમ 498A, કલમ 34 અને દહેજ પ્રતિબંધક અધિનિયમની કલમ 3 અને 4 હેઠળ ગુના પોલીસ મથકે ફરિયાદ નોંધાવી હતી.
-
મહિલાના આક્ષેપો: મહિલાએ આક્ષેપ કર્યો હતો કે, લગ્ન સમયે રોકડા, દાગીના અને ઘરવખરી સહિત ભારે દહેજ આપવામાં આવ્યું હતું. તેમ છતાં વધુ દહેજની માંગણી સાથે તેનું માનસિક ઉત્પીડન કરવામાં આવ્યું. તેણે સીસીટીવી કેમેરાથી નજર રાખવી, હરવા-ફરવા પર પ્રતિબંધ અને લાયસન્સવાળી બંદૂકથી ધમકી આપવાના પણ ગંભીર આરોપો લગાવ્યા હતા.
