ભરૂચ જિલ્લાના દહેજ GIDC માં આવેલી ‘વિઝન પ્રોડક્ટ્સ’ કંપનીના વેરહાઉસમાં વહેલી પરોઢે પ્રચંડ બ્લાસ્ટ સાથે ભીષણ આગ ફાટી નીકળી હતી. આ બ્લાસ્ટનો અવાજ આશરે 7 કિલોમીટર દૂર સુધી સંભળાતાં સમગ્ર વિસ્તારમાં અફરાતફરી મચી ગઈ હતી. વેરહાઉસમાં રાખેલા રેઝીન અને સોલ્વન્ટના જથ્થાને કારણે આગે ક્ષણભરમાં જ વિકરાળ સ્વરૂપ ધારણ કરી લીધું હતું.
9 ફાયર ફાઈટરોની 4 કલાકની જહેમત
-
4 કલાક બાદ આગ કાબૂમાં: ઘટનાની જાણ થતાં જ ફાયર બ્રિગેડની 9 થી વધુ ટીમો ઘટનાસ્થળે પહોંચી હતી. પાણી અને ફોમનો મારો ચલાવીને સતત 4 કલાકની ભારે જહેમત બાદ આગ પર કાબૂ મેળવાયો હતો.
-
ટેન્કર બળીને ખાખ: આગની ઝપેટમાં આવી જતાં નજીકમાં ઊભેલું એક ટેન્કર સંપૂર્ણપણે બળીને ખાખ થઈ ગયું હતું. જોકે, તંત્રની સમયસૂચકતાથી આગ આસપાસની અન્ય કંપનીઓમાં ફેલાતી અટકી હતી.
સદનસીબે જાનહાનિ ટળી, તપાસ શરૂ
-
કોઈ જાનહાનિ નહીં: ઘટના વહેલી સવારે બની હોવાથી સદનસીબે કોઈ જાનહાનિ થઈ નથી, જેનાથી તંત્ર અને સ્થાનિકોએ રાહતનો શ્વાસ લીધો છે.
-
સેફ્ટી વિભાગ દ્વારા તપાસ: ઇન્ડસ્ટ્રીયલ સેફ્ટી એન્ડ હેલ્થ વિભાગે બ્લાસ્ટ અને આગનું ચોક્કસ કારણ જાણવા તપાસ હાથ ધરી છે. આ દુર્ઘટનામાં થયેલા આર્થિક નુકસાનનો અંદાજ તપાસ બાદ સામે આવશે.
