સુરત શહેરના ચોક ચાર રસ્તા વિસ્તારમાંથી લાલગેટ પોલીસે બાતમીના આધારે દરોડો પાડીને નકલી ચલણી નોટોના રેકેટનો ખુલાસો કર્યો છે. ભારતીય અર્થતંત્રને નુકસાન પહોંચાડવાના કાવતરાને નિષ્ફળ બનાવી પોલીસે એક આરોપીને રંગેહાથ ઝડપી પાડ્યો છે, જ્યારે આ ગુનામાં સંકળાયેલી તેની પૂર્વ પત્નીને વોન્ટેડ જાહેર કરાઈ છે.
ચોક ચાર રસ્તા પાસેથી 35 નકલી નોટો ઝડપાઈ
-
બાતમીના આધારે અટકાયત: લાલગેટ પોલીસને મળેલી ચોક્કસ બાતમીના આધારે વોચ ગોઠવીને મૂળ ભાવનગરના અને હાલ સુરતના ભેસાણ ખાતે રહેતા કલ્પેશ મૂળજીભાઈ રાઠોડ (ઉં.વ. 40) ને અટકાયતમાં લેવામાં આવ્યો હતો.
-
નકલી નોટો કબ્જે: આરોપીની તલાશી લેતાં તેની પાસેથી ₹500 ના દરની 35 બનાવટી નોટો (કુલ કિંમત ₹17,500) મળી આવી હતી.
₹3.38 લાખનો મુદ્દામાલ જપ્ત, પૂર્વ પત્નીએ આપી હતી નોટો
-
ઈલેક્ટ્રોનિક સાધનો જપ્ત: પોલીસે આરોપી કલ્પેશ પાસેથી નકલી નોટો ઉપરાંત 3 મોબાઈલ ફોન અને 2 લેપટોપ સહિત કુલ ₹3,38,500 નો મુદ્દામાલ જપ્ત કર્યો છે.
-
પૂર્વ પત્ની વોન્ટેડ: પૂછપરછમાં ખુલાસો થયો છે કે આ બનાવટી નોટો તેની પૂર્વ પત્ની હિનાબેન મોહનભાઈ વાઢેળ દ્વારા આપવામાં આવી હતી.
-
પોલીસ કાર્યવાહી: લાલગેટ પોલીસે ભારતીય ન્યાય સંહિતા (BNS) ની કલમો હેઠળ ગુનો નોંધી હિનાબેન વાઢેળની શોધખોળ શરૂ કરી છે અને આ રેકેટની પાછળ અન્ય કોઈ મોટું નેટવર્ક છે કે કેમ તે અંગે વધુ તપાસ હાથ ધરી છે.
