અમદાવાદ શહેરમાં લાંબા સમયના ઉકળાટ અને અસહ્ય ગરમી બાદ હવામાનમાં અચાનક પલટો આવ્યો છે. કાળા ડિબાંગ વાદળોની ઘેરાબંધી વચ્ચે શહેરના મોટાભાગના વિસ્તારોમાં ધોધમાર વરસાદ ખાબક્યો છે, જેનાથી સમગ્ર વાતાવરણમાં આહલાદક ઠંડક પ્રસરી ગઈ છે.
પશ્ચિમ અમદાવાદ અને SG હાઇવે વિસ્તારમાં ભારે વરસાદ
-
મુખ્ય વિસ્તારોમાં જળબંબાકાર: SG હાઇવે, ગોતા, સોલા, પેલેડિયમ મોલ, વસ્ત્રાપુર, બોપલ, ઘુમા અને શેલા જેવા વિસ્તારોમાં મેઘરાજાએ મન મૂકીને બેટિંગ કરી હતી.
-
ટ્રાફિક પર અસર: પવન સાથે પડેલા અનરાધાર વરસાદને કારણે મુખ્ય માર્ગો પર પાણી ભરાતાં વાહનવ્યવહાર થોડો ધીમો પડ્યો હતો, પરંતુ ગરમીથી રાહત મળતાં અમદાવાદીઓમાં આનંદનો માહોલ છવાયો છે.
ગુજરાતમાં આગામી 7 દિવસ ભારે વરસાદની આગાહી
રાજ્યમાં એકસાથે 6 હવામાન સિસ્ટમ (ડિપ્રેશન, મોનસૂન ટ્રફ, શિયર ઝોન, સાયક્લોનિક સર્ક્યુલેશન વગેરે) સક્રિય થતાં આગામી એક સપ્તાહ માટે ભારે વરસાદનું એલર્ટ આપવામાં આવ્યું છે:
-
અસરગ્રસ્ત જિલ્લાઓ: બનાસકાંઠા, સાબરકાંઠા, અરવલ્લી, દાહોદ, મહીસાગર, તાપી, નવસારી, ડાંગ અને વલસાડમાં ભારે વરસાદની શક્યતા છે.
-
માછીમારોને સૂચના: ખરાબ હવામાન અને દરિયામાં કરંટ હોવાના કારણે માછીમારોને દરિયો ન ખેડવા કડક એડવાઈઝરી જાહેર કરાઈ છે.
-
વરસાદના આંકડા: રાજ્યમાં અત્યાર સુધીમાં સરેરાશ 501.6 મીમી વરસાદ નોંધાઈ ચૂક્યો છે, જે સામાન્ય વરસાદ કરતાં 1% વધુ છે.
