PM મોદીના પ્રવાસ પહેલા ફ્રાન્સની મોટી ભેટ: 114 નવા રાફેલ માટે ટેકનોલોજી ટ્રાન્સફરની જાહેરાત

પ્રધાનમંત્રી નરેન્દ્ર મોદીના ફ્રાન્સ પ્રવાસની શરૂઆત થાય તે પહેલા જ ભારત-ફ્રાન્સ સંરક્ષણ સહયોગને લઈને એક મોટી અને સકારાત્મક પ્રગતિ સામે આવી છે.. ફ્રાન્સે સ્પષ્ટ કર્યું છે કે, તે રાફેલ લડાકુ વિમાનની ટેકનોલોજી ભારતમાં ટ્રાન્સફર કરવા (Transfer of Technology – ToT) અને તેમાં ભારતીય હથિયારોના એકીકરણ (Integration) માટે સંપૂર્ણપણે તૈયાર છે.

ફ્રાન્સના સત્તાવાર સૂત્રોના જણાવ્યા અનુસાર, આ ડીલનો મુખ્ય આધાર “મેક ઇન ઇન્ડિયા” રહેશે. ફ્રાન્સે પુનરોચ્ચાર કર્યો છે કે તે ભારત સાથેના સંબંધોને માત્ર ‘ગ્રાહક અને વિક્રેતા’ તરીકે નહીં, પરંતુ એક લાંબા ગાળાની વ્યૂહાત્મક ભાગીદારી (Strategic Partnership) તરીકે જુએ છે.

🛩️ 114 નવા રાફેલ વિમાન ખરીદવાની પ્રક્રિયા શરૂ

ભારતે ફ્રાન્સ સરકારને 114 વધારાના રાફેલ લડાકુ વિમાન ખરીદવા માટે સત્તાવાર લેટર ઓફ રિક્વેસ્ટ (LoR) મોકલી દીધો છે. સંરક્ષણ ખરીદીની પ્રક્રિયા શરૂ કરવા માટે આ એક અનિવાર્ય દસ્તાવેજ છે.

ભારતીય વાયુસેના (IAF) માટે ખરીદાનારા આ તમામ વિમાનો ભારતમાં જ બને તે માટે ફ્રાન્સની વિમાન ઉત્પાદક કંપની દસોલ્ટ એવિએશન (Dassault Aviation) કોઈ ભારતીય કંપની સાથે ભાગીદારી કરશે. ભારતે આ સોદા માટે કેટલીક કડક અને બિન-વાટાઘાટપાત્ર (Non-Negotiable) શરતો રાખી છે. જેમાં નીચેની બાબતો સામેલ છે:

• સ્વદેશી હથિયારો અને મિસાઇલોનું એકીકરણ.

• ભારતીય ડેટા લિંક સિસ્ટમ અને ડિજિટલ નેટવર્કિંગ.

• એન્જિન, એરફ્રેમ અને એવિઓનિક્સ ટેકનોલોજીનું સંપૂર્ણ ટ્રાન્સફર.

🚀 નવા રાફેલ વિમાનમાં કઈ આધુનિક ખૂબીઓ હશે?

ભારતીય વાયુસેના હાલમાં 2015ની ડીલ હેઠળ ખરીદેલા 36 રાફેલ વિમાનો (F3R વર્ઝન) ઓપરેટ કરી રહી છે. જોકે, નવી ડીલ અંતર્ગત ભારત વધુ અદ્યતન F-4 અને આગામી F-5 વર્ઝનનું મિશ્રણ ઈચ્છે છે. આ નવી પેઢીના વિમાનોમાં નીચે મુજબની વિશેષતાઓ હશે:

• અત્યાધુનિક AESA રડાર અને શ્રેષ્ઠ ઇલેક્ટ્રોનિક વોરફેર ક્ષમતા.

• લાંબી રેન્જની લાક્ષણિક મિસાઇલો અને સેટેલાઇટ કોમ્યુનિકેશન સુવિધા.

• આર્ટિફિશિયલ ઇન્ટેલિજન્સ (AI) આધારિત અલ્ગોરિધમ, જે યુદ્ધના મેદાનમાં પાઇલટ્સને સચોટ નિર્ણય લેવામાં અને સ્થિતિને ઝડપથી સમજવામાં મદદ કરશે.

🛠️ 55-60 ટકા સુધી સ્વદેશીકરણ અને વાયુસેનાની તાકાત

આ પ્રોજેક્ટમાં દસોલ્ટ એવિએશનની સાથે એન્જિન નિર્માતા કંપની સફરાન (Safran) અને એવિઓનિક્સ કંપની થેલ્સ (Thales) પણ ટેકનોલોજી ટ્રાન્સફર કરશે. ભારતમાં ઉત્પાદન શરૂ થતાં જ આ વિમાનોમાં ભારતીય સામગ્રીનો હિસ્સો 55% થી 60% સુધી પહોંચી જશે.

📊 રાફેલ ફ્લીટની વર્તમાન સ્થિતિ:

• હાલમાં વાયુસેના પાસે: 36 રાફેલ વિમાન

• ભારતીય નૌસેનાનો ઓર્ડર: 26 નૌસેનિક (Marine) રાફેલ

• નવા પ્રસ્તાવિત વિમાન: 114 રાફેલ

• કુલ સંભવિત સંખ્યા: 176 રાફેલ વિમાન

અંબાલા એરફોર્સ સ્ટેશન પર રાફેલ વિમાનોની ટ્રેનિંગ અને રિપેરિંગ (MRO) સુવિધા પહેલેથી જ કાર્યરત છે.જેના કારણે આગામી સમયમાં નવી સ્ક્વોડ્રનને વાયુસેનામાં સામેલ કરવી વધુ સરળ બનશે.

📅 PM મોદીનો ફ્રાન્સ પ્રવાસ કાર્યક્રમ

પ્રધાનમંત્રી નરેન્દ્ર મોદી ફ્રાન્સના રાષ્ટ્રપતિ ઇમેન્યુઅલ મેક્રોનના આમંત્રણ પર 13 થી 14 જૂન દરમિયાન ફ્રાન્સના નીસ (Nice) શહેરની મુલાકાત લેશે. ત્યારબાદ, 16 થી 19 જૂન દરમિયાન તેઓ ઇવિયન અને પેરિસ જશે. જ્યાં તેઓ 16-17 જૂનના રોજ યોજાનારી G7 શિખર સંમેલનમાં પણ ભાગ લેશે.