ફિફા વર્લ્ડ કપ 2026: ભારતમાં કેટલા વાગ્યે જોઈ શકાશે મુકાબલા? ગ્રૂપથી લઈને ટાઈમિંગ સુધીની તમામ વિગતો

ઇન્ટરનેશનલ ફૂટબોલમાં ફિફા વર્લ્ડ કપ 2026 દ્વારા એક નવા યુગની શરૂઆત થવા જઈ રહી છે. ઇતિહાસમાં પ્રથમ વખત આ પ્રતિષ્ઠિત ટૂર્નામેન્ટમાં 48 ટીમો ભાગ લેશે. આ વખતે ફૂટબોલ મહાકુંભની યજમાની સંયુક્ત રીતે અમેરિકા, કેનેડા અને મેક્સિકો પાસે છે. આ ટૂર્નામેન્ટ 11 જૂનથી 19 જુલાઈ દરમિયાન રમાશે. આ સમયગાળા દરમિયાન 16 અલગ-અલગ શહેરોમાં રેકોર્ડબ્રેક 104 મેચો રમાશે. ટૂર્નામેન્ટનું ફોર્મેટ મોટું હોવાને કારણે ચાહકોને વધુ ટીમો, વધુ મુકાબલા અને લાંબો નોકઆઉટ સ્ટેજ જોવા મળશે. આ જ કારણ છે કે આ વર્લ્ડ કપને ઇતિહાસનો સૌથી મોટો વર્લ્ડ કપ ગણાવવામાં આવી રહ્યો છે.

સવારે 6:30 વાગ્યે (IST) શરૂ થતી મેચોનું લિસ્ટ(ભારતીય સમય )

આ ટાઈમ સ્લોટમાં અમેરિકા અને કેનેડાના વેસ્ટ કોસ્ટ (પશ્ચિમ કિનારા) પર યોજાનારા મોટાભાગના મહત્વના મુકાબલા રમાશે.

સવારે 7:30 વાગ્યે (IST) શરૂ થતી મેચોનું લિસ્ટ(ભારતીય સમય)

આ સ્લોટમાં મુખ્યત્વે મેક્સિકો અને તેની આસપાસના સ્ટેડિયમોમાં રમાનારી મહત્વની મેચોનો સમાવેશ થાય છે. ટૂર્નામેન્ટની બીજી જ મેચ આ સમયે જોવા મળશે.

નોંધ: ભારતીય ફૂટબોલ પ્રેમીઓ માટે આ બંને ટાઈમ સ્લોટ વહેલી સવારના હોવાથી, આર્જેન્ટિના અને અમેરિકા જેવી લોકપ્રિય ટીમોની મેચો ચાની ચુસ્કી સાથે માણવા મળશે.

ગ્રૂપ સ્ટેજમાં દરેક ટીમ 3-3 મેચ રમશે

આ વખતે ટૂર્નામેન્ટમાં કુલ 48 ટીમોને 4-4ના એવા 12 ગ્રૂપમાં વહેંચવામાં આવી છે. દરેક ટીમ ગ્રૂપ સ્ટેજમાં ત્રણ-ત્રણ મેચ રમશે, ત્યારબાદ દરેક ગ્રૂપમાં ટોચના સ્થાને રહેનારી બે ટીમો સીધી નોકઆઉટ રાઉન્ડમાં પ્રવેશ કરશે. આ ઉપરાંત, ત્રીજા સ્થાને રહેનારી 8 સર્વશ્રેષ્ઠ (વધુ પોઈન્ટ ધરાવતી) ટીમોને પણ આગળ વધવાની તક મળશે, જેનાથી નોકઆઉટ સ્ટેજમાં કુલ 32 ટીમો જગ્યા બનાવવામાં સફળ રહેશે. ‘રાઉન્ડ ઓફ 32’ (Round of 32) ની આ નવી શરૂઆતને કારણે, ફાઇનલમાં પહોંચનારી ટીમોએ હવે સાતને બદલે આઠ મેચ રમવી પડશે.

ભારતમાં કેટલા વાગ્યે શરૂ થશે ફિફા વર્લ્ડ કપના મુકાબલા?

આ ટૂર્નામેન્ટનો પ્રારંભ 11 જૂન (ભારતીય સમય અનુસાર 12 જૂન) ના રોજ થશે, જ્યાં યજમાન મેક્સિકોનો સામનો મેક્સિકો સિટીના ઐતિહાસિક ‘એસ્ટાડિયો અઝટેકા’ સ્ટેડિયમમાં દક્ષિણ આફ્રિકા સામે થશે. બીજી તરફ, આ વર્લ્ડ કપનો મહામુકાબલો એટલે કે ફાઇનલ મેચ 19 જુલાઈએ ન્યૂયોર્ક ન્યૂજર્સીના ‘મેટલાઇફ સ્ટેડિયમ’ માં રમાશે, જ્યાં દુનિયાને આ સૌથી મોટા ફૂટબોલ વર્લ્ડ કપનો નવો ચેમ્પિયન મળશે.

ભારતીય ફૂટબોલ ચાહકોએ આ વર્લ્ડ કપની મેચો જોવા માટે મોડી રાત સુધી જાગવું પડશે. ભારત અને યજમાન દેશોના ટાઈમ ઝોનમાં ઘણો તફાવત છે. આ જ કારણસર મોટાભાગની મેચો મોડી રાત્રે અને વહેલી સવારે રમાશે. ફૂટબોલ વર્લ્ડ કપના મોટાભાગના મુકાબલા ભારતીય સમય અનુસાર મુખ્યત્વે ચાર ટાઈમ સ્લોટમાં શરૂ થશે.

ભારતમાં મહત્તમ મેચોની શરૂઆત રાત્રે 12:30 વાગ્યે, રાત્રે 3:30 વાગ્યે અને વહેલી સવારે 6:30 વાગ્યે થશે. જ્યારે કેટલીક પસંદગીની મેચો સવારે 7:30 વાગ્યે (ભારતીય સમય અનુસાર) શરૂ થશે. ટૂર્નામેન્ટની પ્રથમ મેચ, જે મેક્સિકો અને દક્ષિણ આફ્રિકા વચ્ચે રમાવાની છે. તે 12 જૂને ભારતીય સમય અનુસાર રાત્રે અંદાજે 12:30 વાગ્યે શરૂ થશે.

નવો ફોર્મેટ અને ટીમો

આ વર્ષથી વર્લ્ડ કપના ફોર્મેટમાં ઐતિહાસિક ફેરફાર કરવામાં આવ્યો છે:

• 48 ટીમો: અત્યાર સુધી વર્લ્ડ કપમાં 32 ટીમો રમતી હતી. પરંતુ આ વખતે રેકોર્ડ 48 દેશોની ટીમો ભાગ લઈ રહી છે.

• ગ્રૂપ સ્ટેજ રચના: તમામ 48 ટીમોને 12 ગ્રૂપ (Group A થી L) માં વહેંચવામાં આવી છે. અને દરેક ગ્રૂપમાં 4 ટીમો છે.

• નવો નોકઆઉટ સ્ટેજ: દરેક ગ્રૂપની ટોચની બે ટીમો અને ત્રીજા સ્થાને રહેલી 8 સર્વશ્રેષ્ઠ ટીમો સીધી ‘રાઉન્ડ ઓફ 32′ (નોકઆઉટ સ્ટેજ) માટે ક્વોલિફાય થશે. આથી ચેમ્પિયન બનવા માટે ટીમે 7 ના બદલે 8 મેચ રમવી પડશે.

ગ્રૂપ સ્ટેજની વહેંચણી (Groups)

સ્ટેડિયમ અને શહેરો

આ ટૂર્નામેન્ટ ઉત્તર અમેરિકાના કુલ 16 શહેરોમાં રમાશે:

• અમેરિકા (11 શહેરો): લોસ એન્જલસ, મિયામી, એટલાન્ટા, સિએટલ, હ્યુસ્ટન, ફિલાડેલ્ફિયા, કેન્સાસ સિટી, બોસ્ટન, ડલાસ, સાન ફ્રાન્સિસ્કો અને ન્યૂયોર્ક/ન્યૂજર્સી.

• મેક્સિકો (3 શહેરો): મેક્સિકો સિટી, ગ્વાડલાહારા અને મોન્ટેરે.

• કેનેડા (2 શહેરો): ટોરોન્ટો અને વાનકુવર.

ઓપનિંગ અને ફાઇનલ મેચ

• ઓપનિંગ મેચ: 11 જૂન 2026 ના રોજ મેક્સિકો સિટીના ઐતિહાસિક એસ્ટાડિયો અઝટેકા (Mexico City Stadium) ખાતે રમાશે. જેમાં મેક્સિકો અને દક્ષિણ આફ્રિકા આમને-સામને થશે.

• ફાઇનલ મેચ: 19 જુલાઈ 2026 ના રોજ ન્યૂયોર્ક ન્યૂજર્સીના પ્રખ્યાત મેટલાઇફ સ્ટેડિયમ (New York New Jersey Stadium) માં રમાશે.

ટૂર્નામેન્ટનું શિડ્યુઅલ (રાઉન્ડ વાઇઝ)

• ગ્રૂપ સ્ટેજ: 11 જૂન થી 27 જૂન, 2026

• રાઉન્ડ ઓફ 32 (નોકઆઉટ): 28 જૂન થી 3 જુલાઈ, 2026

• રાઉન્ડ ઓફ 16: 4 જુલાઈ થી 7 જુલાઈ, 2026

• ક્વાર્ટર-ફાઇનલ: 9 જુલાઈ થી 11 જુલાઈ, 2026

• સેમી-ફાઇનલ: 14 જુલાઈ થી 15 જુલાઈ, 2026

• ત્રીજા સ્થાન માટેની મેચ: 18 જુલાઈ, 2026

• ફાઇનલ મેચ: 19 જુલાઈ, 2026

• નોંધનીય છે કે, ભારતની ફૂટબોલ ટીમ આ ફિફા વર્લ્ડ કપ માટે ક્વોલિફાય કરી શકી નથી. જેના કારણે ભારતીય ટીમ આ વર્લ્ડ કપમાં રમતી જોવા મળશે નહીં.