ગુજરાતમાં શિક્ષણના અધિકાર (RTE – Right to Education) હેઠળ ખાનગી શાળાઓમાં મફત પ્રવેશ મેળવવા ઈચ્છતા વાલીઓ અને વિદ્યાર્થીઓ માટે એક મહત્વના સમાચાર આવ્યા છે. શિક્ષણ વિભાગ દ્વારા RTE પ્રવેશ પ્રક્રિયાના બીજા રાઉન્ડ (Second Round) ની સત્તાવાર તારીખ જાહેર કરી દેવામાં આવી છે. આ પ્રક્રિયા આગામી 25 મે 2026 થી શરૂ થવા જઈ રહી છે.
વાલીઓ માટે શાળાની પસંદગી બદલવાની સોનેરી તક
RTE ના પ્રથમ રાઉન્ડની ફાળવણી બાદ પણ રાજ્યની શાળાઓમાં હજુ પણ 11,044 બેઠકો ખાલી પડી છે. આ ખાલી બેઠકો ભરવા માટે જ બીજા રાઉન્ડનું આયોજન કરાયું છે.
-
ચોઇસ ફિલિંગમાં ફેરફાર: જે વાલીઓએ અગાઉ ફોર્મ ભરતી વખતે શાળાની પસંદગી (School Choice) કરી હતી, તેઓ આ બીજા રાઉન્ડમાં પોતાની પસંદગીમાં ફેરફાર કરી શકશે.
-
કોણ ભાગ લઈ શકશે?: જે વિદ્યાર્થીઓને પ્રથમ રાઉન્ડમાં પ્રવેશ મળ્યો નથી અથવા કોઈ કારણસર નામ આવ્યું નહોતું, તેઓ આ બીજા રાઉન્ડનો લાભ લઈ શકશે.
કયા માધ્યમમાં કેટલી બેઠકો ખાલી છે?
બીજા રાઉન્ડ અંતર્ગત અલગ-અલગ માધ્યમોમાં ખાલી પડેલી બેઠકોની વિગત નીચે મુજબના કોષ્ટકમાં દર્શાવવામાં આવી છે:
શિક્ષણનું માધ્યમ (Medium) |
ખાલી બેઠકોની સંખ્યા (Vacant Seats) |
અંગ્રેજી માધ્યમ (English Medium) |
૫,૯૫૩ |
ગુજરાતી માધ્યમ (Gujarati Medium) |
૩,૩૦૩ |
હિન્દી માધ્યમ (Hindi Medium) |
૧,૬૧૪ |
કુલ ખાલી બેઠકો |
૧૧,૦૪૪ |
અંગ્રેજી માધ્યમમાં સૌથી વધુ 5,953 બેઠકો ખાલી હોવાથી વાલીઓ પાસે પોતાના બાળકને અંગ્રેજી માધ્યમની શાળામાં પ્રવેશ અપાવવાની ઉત્તમ તક છે.
મહત્વની બાબતો જે વાલીઓએ ધ્યાનમાં રાખવી:
-
બીજા રાઉન્ડની ઓનલાઇન પ્રક્રિયા 25 મે થી શરૂ થશે, માટે નિર્ધારિત સમય મર્યાદામાં પોર્ટલ પર જઈને શાળાની પસંદગી અપડેટ કરી લેવી.
-
આસપાસની શાળાઓમાં ખાલી બેઠકોની સંખ્યા ચકાસીને જ નવી પસંદગી (Change Choice) કરવી જેથી પ્રવેશ મળવાની શક્યતા વધી જાય.
