અક્ષય તૃતીયા પર સોનું ખરીદનારાઓને લાગશે ઝટકો! ભાવ ₹1.62 લાખ સુધી જઈ શકે છે

અક્ષય તૃતીયાનો પવિત્ર તહેવાર નજીક છે. પરંતુ જો તમે સોનું ખરીદવાની યોજના બનાવી રહ્યા હોવ, તો બજારની તાજી તેજી તમને પરસેવો લાવી શકે છે. લગ્નની સિઝન શરૂ થતાની સાથે જ ભારતીય સર્રાફા બજારમાં સોના અને ચાંદીના ભાવે રોકેટ જેવી ગતિ પકડી છે. બુધવાર, 15 એપ્રિલના રોજ IBJA પર સોનાના ભાવમાં ₹3,000 અને ચાંદીમાં ₹12,000 સુધીનો મોટો ઉછાળો નોંધાયો છે.

IBJA પર આજનો ભાવ શું છે? (પ્રતિ 10 ગ્રામ)

ઈન્ડિયા બુલિયન એન્ડ જ્વેલર્સ એસોસિએશન (IBJA) મુજબ, બજારમાં જબરદસ્ત રિકવરી જોવા મળી છે:

ચાંદીની ચમક: ચાંદીમાં ₹12,038નો મોટો ઉછાળો આવ્યો છે.જેના કારણે ભાવ ₹2,49,019 પ્રતિ કિલો સુધી પહોંચી ગયો છે.

મહિનાભરની વધ-ઘટ: ઘટાડા બાદ અચાનક આવી તેજી

નવાઈની વાત એ છે કે છેલ્લા એક મહિનામાં સોનું અંદાજે ₹3,571 સસ્તું થયું હતું. 16 માર્ચના રોજ 24 કેરેટ સોનાની કિંમત ₹1,56,436 હતી.પરંતુ અક્ષય તૃતીયા અને લગ્નની સિઝનની દસ્તકે બજારનો પ્રવાહ સંપૂર્ણપણે બદલી નાખ્યો છે. ચાંદીમાં પણ ગયા મહિનાની સરખામણીએ ₹308ના નજીવા વધારા સાથે હવે મોટી તેજીના સંકેતો મળી રહ્યા છે.

અક્ષય તૃતીયા સુધી ₹1.62 લાખનો ટાર્ગેટ

દૈનિક જાગરણના અહેવાલ મુજબ, ઓલ ઈન્ડિયા બુલિયન એન્ડ જ્વેલર્સ એસોસિએશનના પ્રમુખ યોગેશ સિંઘલે કિંમતો અંગે મોટું અનુમાન વ્યક્ત કર્યું છે. તેમના મતે 15 એપ્રિલથી વેડિંગ સિઝન શરૂ થવાને કારણે ફિઝિકલ ગોલ્ડની માંગ વધી ગઈ છે.19 એપ્રિલ (અક્ષય તૃતીયા) સુધી ભારે માંગના કારણે સોનું ₹1,62,000 પ્રતિ 10 ગ્રામની સપાટી વટાવી શકે છે.

નિષ્ણાતોની સલાહ: બજારના નિષ્ણાતો માને છે કે, અક્ષય તૃતીયા સુધી માંગ ઓછી થવાની શક્યતા નથી.આવી સ્થિતિમાં જે લોકો લગ્ન માટે ખરીદી કરવા માંગે છે. તેમના માટે દરેક નાના ઘટાડા પર ખરીદી કરવી સમજદારીભર્યું હોઈ શકે છે. જોકે, ઊંચા ભાવે એકસાથે રોકાણ કરવાને બદલે હપ્તામાં ખરીદી (SIP મોડ) વધુ સારો વિકલ્પ હોઈ શકે છે.