બિહાર શાળા પરીક્ષા સમિતિએ વાર્ષિક માધ્યમિક (મેટ્રિક) પરીક્ષા 2026નું પરિણામ જાહેર કર્યું છે.બોર્ડની પરીક્ષાના પરિણામોની જાહેરાત શિક્ષણ મંત્રી સુનીલ કુમારે સમિતિના મુખ્ય ભવનમાં સ્થિત સભાગૃહમાં કરી હતી. પરિણામ જાહેર કરતી વખતે સમિતિના અધ્યક્ષ આનંદ કિશોર પણ ઉપસ્થિત રહ્યા હતા.બિહાર બોર્ડ મેટ્રિક પરીક્ષા 2026નું કુલ પરિણામ 81.79% રહ્યું છે. એટલે કે, કુલ 81.79% વિદ્યાર્થીઓ પરીક્ષામાં ઉત્તીર્ણ થયા છે.
ટોપ-10 મેરિટ લિસ્ટમાં 100થી વધુ પરીક્ષાર્થીઓ સામેલ
બિહાર બોર્ડ 10મા ધોરણના પરિણામો જાહેર થઈ ગયા છે. ટોપ-10 મેરિટ લિસ્ટમાં કુલ 139 પરીક્ષાર્થીઓએ સ્થાન મેળવ્યું છે. જેમાં 57 વિદ્યાર્થિનીઓ સામેલ છે.પ્રથમ 5 સ્થાનો પર 13 વિદ્યાર્થીઓ અને 6 થી 10 રેન્ક વચ્ચે 126 પરીક્ષાર્થીઓ છે.
પ્રથમ સ્થાને બે વિદ્યાર્થિનીઓએ કર્યું ટોપ
આ વર્ષના ટોપર્સની વાત કરીએ તો, સિમુલતલા રહેણાંક શાળા (જમુઈ) ની પુષ્પાંજલિ કુમારી અને ઉચ્ચ માધ્યમિક શાળા (છૌડાહી, વૈશાલી) ની સમરીન પરવીને 492 ગુણ (98.4%) સાથે સંયુક્ત રીતે પ્રથમ સ્થાન મેળવ્યું છે.
પરીક્ષાના આંકડા અને શ્રેણીવાર પરિણામ
નોંધનીય છે કે, પરીક્ષામાં કુલ 15,10,928 વિદ્યાર્થીઓ સામેલ થયા હતા, જેમાં 7,84,871 વિદ્યાર્થિનીઓ અને 7,26,057 વિદ્યાર્થીઓ હતા. પરિણામ મુજબ:
-
પ્રથમ શ્રેણી: 4,43,723 વિદ્યાર્થીઓ
-
દ્વિતીય શ્રેણી: 4,75,511 વિદ્યાર્થીઓ
-
તૃતીય શ્રેણી: 3,03,103 વિદ્યાર્થીઓ
-
પાસ શ્રેણી: 13,406 વિદ્યાર્થીઓ
