યુએસ પ્રમુખ ડોનાલ્ડ ટ્રમ્પે રશિયા પાસેથી ભારતની તેલ ખરીદી પર 25 ટકાનો વધારાનો ટેરિફ દૂર કરવાની જાહેરાત કરી.આ પગલું બંને દેશો વચ્ચે તાજેતરમાં જાહેર કરાયેલા વેપાર કરારને અમલમાં મૂકવાના ભાગ રૂપે લેવામાં આવ્યું હતું.ટ્રમ્પ દ્વારા હસ્તાક્ષર કરાયેલા એક્ઝિક્યુટિવ ઓર્ડર અનુસાર ભારતે રશિયાથી પ્રત્યક્ષ અને પરોક્ષ તેલ આયાત બંધ કરવાનું વચન આપ્યું છે.
ટ્રમ્પે એક્ઝિક્યુટિવ ઓર્ડર પર હસ્તાક્ષર કર્યા
યુએસ પ્રમુખ ડોનાલ્ડ ટ્રમ્પે શુક્રવારે એક્ઝિક્યુટિવ ઓર્ડર પર હસ્તાક્ષર કર્યા. તેમાં કહેવામાં આવ્યું છે કે, “મને વરિષ્ઠ અધિકારીઓ પાસેથી માહિતી અને ભલામણો મળી છે કે ભારતે એક્ઝિક્યુટિવ ઓર્ડર 14066 અનુસાર પગલાં લીધાં છે અને ખાસ કરીને રશિયા પાસેથી પ્રત્યક્ષ અને પરોક્ષ તેલ ખરીદી બંધ કરવાનું વચન આપ્યું છે.ભારત યુનાઇટેડ સ્ટેટ્સ પાસેથી તેલ ખરીદશે.અમે આગામી 10 વર્ષ માટે યુનાઇટેડ સ્ટેટ્સ સાથે સંરક્ષણ સહયોગ વધારવા માટેના માળખા પર પણ સંમત થયા છીએ.”
આજે વધારાનો 25% ટેરિફ નાબૂદ
ભારતીય માલ પર અમેરિકા દ્વારા લાદવામાં આવેલ વધારાનો 25% ટેરિફ 7 ફેબ્રુઆરી, 2026 થી નાબૂદ કરવામાં આવ્યો છે.વ્હાઇટ હાઉસ દ્વારા જારી કરાયેલા એક્ઝિક્યુટિવ ઓર્ડર અનુસાર, ભારત આગામી 10 વર્ષ માટે અમેરિકા સાથે સંરક્ષણ સહયોગ વધારવા માટેના માળખા પર પણ સંમત થયું છે.
આદેશમાં જણાવાયું છે કે, આ આદેશ 7 ફેબ્રુઆરી, 2026 ના રોજ સવારે 10:30 વાગ્યે ભારતીય સમય અનુસાર લાગુ થશે.વધારાનો 25% ટેરિફ હવે ભારતમાંથી અમેરિકામાં આયાત કરવામાં આવતા ઉત્પાદનો પર લાગુ થશે નહીં.આદેશ અનુસાર,એક્ઝિક્યુટિવ ઓર્ડર 14329 હેઠળ લાદવામાં આવેલ વધારાનો 25% એડ વેલોરમ ડ્યુટી દર હવે નિર્દિષ્ટ સમય પર અથવા તે પછી વપરાશ માટે અમેરિકામાં આયાત કરવામાં આવતા ભારતીય ઉત્પાદનો પર અથવા વપરાશ માટે વેરહાઉસમાંથી પાછા ખેંચવામાં આવતા માલ પર લાગુ થશે નહીં.
