નેશનલ સ્ટોક એક્સચેન્જએ “લેઝાર્ડ એસેટ મેનેજમેન્ટ ઈન્ડિયા” નામથી કાર્યરત છેતરપિંડી કરનાર અંગે રોકાણકારોને ચેતવણી જારી કરી છે. આ જો હામબ્રો નામના વોટસએપ ગ્રુપના ભાગ રૂપે ઓળખવામાં આવે છે, જે રોકાણકારોને બજારના કલાકો પછી ડિસ્કાઉન્ટેડ સ્ટોક ખરીદીના વચનો આપી આકર્ષિત કરે છે. આ ગ્રુપ સેબી સાથે નોંધાયેલ સ્ટોક બ્રોકર લેઝાર્ડ એસેટ મેનેજમેન્ટ ઈન્ડિયા સાથે સંકળાયેલ હોવાનો ખોટો દાવો કરી રહ્યું છે.
ગ્રુપ રોકાણકારોને છેતરવા માટે બનાવટી સેબી નોંધણી પ્રમાણપત્રનો ઉપયોગ કરી રહ્યું છે.આ કપટી યોજના દ્વારા રોકાણકારોને “સીટ ટ્રેડિંગ એકાઉન્ટ” માં રોકાણ કરવા માટે લલચાવવામાં આવે છે. એન.એસ.ઈએ રોકાણકારોને આ અનધિકૃત ગ્રુપ સાથે વ્યવહાર ન કરવા માટે ચેતવણી આપી છે અને સલાહ આપી છે કે તેઓ વ્યવહારમાં જોડાતાં પહેલાં ઓળખપત્રોની ચકાસણી કરે.
એનએસઈએ એક રિલીઝમાં જણાવ્યું હતું કે “અમે સ્પષ્ટતા કરવા માંગીએ છીએ કે લેઝાર્ડ એસેટ મેનેજમેન્ટ ઈન્ડિયા નામની કોઈપણ એન્ટિટી સેબીમાં સ્ટોક બ્રોકર તરીકે રજીસ્ટર્ડ નથી. વોટ્સએપ ગ્રૂપમાં સર્ક્યુલેટ કરવામાં આવેલ બનાવટી સેબી નોંધણી પ્રમાણપત્ર સંપૂર્ણપણે બનાવટી અને ગેરકાયદેસર છે.
અનધિકૃત સંસ્થાઓ સાથે વ્યવહાર કરવાના જોખમો :
નોંધણી વગરની સંસ્થાઓ સાથે રોકાણ કરવાથી નોંધપાત્ર નાણાકીય નુકસાન થઈ શકે છે. જો તેઓ અનધિકૃત સંસ્થાઓ સાથે વ્યવહાર કરતાં હોય તો રોકાણકારોને વિનિમય વિવાદ નિરાકરણ મિકેનિઝમ્સ અથવા રોકાણકારોની ફરિયાદ નિવારણની ઍક્સેસ મળતી નથી .
વ્યવહારોને લગતા કોઈપણ પ્રકારના વિવાદો માટે આ ઉપાય રોકાણકારોને ઉપલબ્ધ રહેશે નહીં :
એક્સચેન્જના અધિકારક્ષેત્ર હેઠળ રોકાણકારોના રક્ષણના લાભો, વિનિમય વિવાદ નિરાકરણ પદ્ધતિ, એક્સચેન્જ દ્વારા સંચાલિત રોકાણકારોની ફરિયાદ નિવારણ પદ્ધતિ વગેરેના લાભ મળશે નહિ.
