સહારાના રોકાણકારો માટે વહેલી દિવાળી! હવે ₹10 લાખ સુધીનું રિફંડ મળશે, જાણો પૈસા પાછા મેળવવાની નવી પ્રોસેસ

સહારા ઇન્ડિયામાં જેમના પૈસા ફસાયેલા છે તેવા લાખો રોકાણકારો માટે દિવાળી જેવી મોટી રાહતની જાહેરાત કરવામાં આવી છે.ભારત સરકારના સહકાર મંત્રાલયે સહારા રિફંડ પોર્ટલ પર ક્લેમ કરવાની મર્યાદામાં ધરખમ વધારો કર્યો છે.

શું બદલાયું? (રિફંડ મર્યાદામાં વધારો)

અત્યાર સુધી સહારા રિફંડ પોર્ટલ પર માત્ર નાની રકમના જ ક્લેમ સ્વીકારવામાં આવતા હતા. શરૂઆતમાં આ મર્યાદા ₹10,000 હતી, જે બાદમાં વધારીને ₹50,000 કરવામાં આવી હતી. પરંતુ 19 નવેમ્બર 2025 થી સરકારે આ મર્યાદા વધારીને ₹10 લાખ કરી દીધી છે.

આ નિર્ણયથી ખાસ કરીને એવા મધ્યમ વર્ગીય પરિવારો અને વરિષ્ઠ નાગરિકોને મોટો ફાયદો થશે જેમણે પોતાની આખી જિંદગીની મૂડી સહારામાં રોકી હતી.

રિફંડ મેળવવાની સ્ટેપ-બાય-સ્ટેપ પ્રોસેસ

પૈસા પાછા મેળવવા માટે તમારે CRCS-સહારા રિફંડ પોર્ટલ પર ઓનલાઇન અરજી કરવાની રહેશે. આ પ્રક્રિયા સંપૂર્ણપણે ડિજિટલ છે, તેથી કોઈ એજન્ટની મદદ લેવાની જરૂર નથી.

1. પોર્ટલ પર રજીસ્ટ્રેશન: સૌથી પહેલા સહારા રિફંડ પોર્ટલની વેબસાઇટ પર જઈ ‘રોકાણકાર નોંધણી’ (Investor Registration) પર ક્લિક કરો. ત્યાં તમારા આધાર કાર્ડના છેલ્લા 4 આંકડા અને તેની સાથે લિંક થયેલ મોબાઈલ નંબર નાખો.

2. OTP વેરિફિકેશન: મોબાઈલ પર આવેલ OTP નાખીને લોગિન કરો.

3. ડોક્યુમેન્ટ્સ અપલોડ કરવા: તમારી પાસે રહેલા સહારાના રોકાણના કાગળો જેવા કે:

મેમ્બરશિપ નંબર (Membership Number)

એકાઉન્ટ નંબર

ડિપોઝિટ સર્ટિફિકેટ અથવા પાસબુકની સ્કેન કોપી

1. ક્લેમ ફોર્મ સબમિટ: બધી વિગતો ભર્યા પછી એક ફોર્મ જનરેટ થશે. તેની પ્રિન્ટ કાઢી, ફોટો ચોંટાડી અને સહી કરીને ફરીથી પોર્ટલ પર અપલોડ કરો.

ખાસ નોંધ: જો તમારો ક્લેમ ₹50,000 થી વધુ હોય, તો PAN Card હોવું ફરજિયાત છે.

પૈસા ક્યારે અને કેવી રીતે મળશે?

• ચકાસણી (Verification): તમારી અરજી સબમિટ થયા પછીના પ્રથમ 30 દિવસમાં સહારા સોસાયટી તમારા કાગળો તપાસશે.

• મંજૂરી: ત્યારબાદના 15 દિવસમાં મંત્રાલય તરફથી ઓનલાઇન મંજૂરી મળશે.

• કુલ સમય: સામાન્ય રીતે અરજી કર્યાના 45 દિવસમાં પૈસા સીધા તમારા આધાર કાર્ડ સાથે લિંક થયેલા બેંક ખાતામાં જમા થઈ જશે.

અરજીમાં ભૂલ હોય તો શું કરવું?

જો તમારી અરજીમાં કોઈ ભૂલ હશે તો તમને ‘Deficiency’ (ખામી) નો મેસેજ આવશે. આવા કિસ્સામાં ચિંતા કરવાની જરૂર નથી. તમે ‘Re-submission Portal’ પર જઈને ભૂલ સુધારી ફરીથી અરજી કરી શકો છો.

કઈ સોસાયટીના રોકાણકારોને પૈસા મળશે?

આ રિફંડ હાલમાં નીચેની ચાર મુખ્ય સોસાયટીઓ માટે જ છે:

1. સહારાયન યુનિવર્સલ મલ્ટીપર્પઝ સોસાયટી

2. હમારા ઈન્ડિયા ક્રેડિટ કોઓપરેટિવ સોસાયટી

3. સ્ટાર્સ મલ્ટીપર્પઝ કોઓપરેટિવ સોસાયટી

4. સહારા ક્રેડિટ કોઓપરેટિવ સોસાયટી