ગુજરાત સરકાર સામે હવે શ્રમિકો મેદાને : દિવાળી પહેલા પ્રશ્નો નહીં ઉકેલે તો ઉગ્ર આંદોલન
ગાંધીનગર: ગુજરાતના આર્થિક અને ઔદ્યોગિક વિકાસમાં મહત્વનું યોગદાન આપનારા રાજ્યના ૨.૭૦ લાખથી વધુ શ્રમિકો, અસંગઠિત ક્ષેત્રના કામદારો, આંગણવાડી વર્કરો અને આશા વર્કરો ભારે આર્થિક શોષણ અને મોંઘવારીના વિરોધમાં સરકાર સામે આરપારના મૂડમાં આવી ગયા છે. ટ્રેડ યુનિયનો અને કામદાર સંગઠનોએ સરકારને સ્પષ્ટ આખરી ચીમકી આપતાં જણાવ્યું છે કે જો દિવાળીના તહેવારો પહેલાં તેમના લઘુત્તમ વેતન સહિતના પડતર પ્રશ્નોનો ઉકેલ લાવવામાં નહીં આવે, તો સમગ્ર રાજ્યમાં ઉગ્ર આંદોલન છેડવામાં આવશે.
શ્રમિકોની સ્થિતિ અને પડકારો અંગેની મુખ્ય વિગતો:
-
અસંગઠિત અને કરાર આધારિત ક્ષેત્રનો વ્યાપ: રાજ્યમાં ૧ કરોડ ૧૮ લાખથી વધુ કામદારો અસંગઠિત ક્ષેત્રમાં કાર્યરત છે. જ્યારે નોંધાયેલી ૪૭,૭૬૨ ફેક્ટરીઓમાં ૨૪ લાખ અને ઔદ્યોગિક વસાહતોમાં ૩૦થી ૪૦ લાખ પરપ્રાંતીય શ્રમિકો કામ કરી રહ્યા છે.
-
કરાર આધારિત કર્મચારીઓમાં વધારો અને કાયમી ભરતીમાં ઘટાડો:
-
વર્ષ ૨૦૧૮માં ફિક્સ પગારદારો ૨ લાખ હતા, જે વધીને ૨૦૨૫ સુધીમાં ૩.૫૦ લાખ થયા છે.
-
કરાર આધારિત અને આઉટસોર્સિંગ કર્મચારીઓની સંખ્યા ૨૦૨૨માં ૬ લાખથી વધીને ૨૦૨૫માં ૬.૫૦ લાખે પહોંચી છે, જેની સામે કાયમી કર્મચારીઓની સંખ્યામાં ૩૦% નો ઘટાડો નોંધાયો છે.
-
૧,૨૦,૫૪૦ આંગણવાડી વર્કરો, ૪૭,૮૧૭ હેલ્પરો અને ૪૪,૦૦૦ આશા વર્કરો અત્યંત ટૂંકા વેતનમાં કામ કરવા મજબૂર બન્યા છે.
-
-
૧૨ કલાકનું કામ અને વેતનનું શોષણ: શ્રમિકો પાસે નિયમ મુજબના ૮ કલાકના બદલે ૧૨-૧૨ કલાક સુધી કામ કરાવવામાં આવે છે, છતાં પૂરૂં ૮ કલાકનું વેતન આપવામાં આવતું નથી. લઘુત્તમ વેતનના કાયદાકીય નિયમોનું પાલન થતું નથી.
-
રોજગારીનું સંકટ અને વતન પલાયન: વીજકાપ, ગેસની તંગી અને આર્થિક મંદીના કારણે અનેક લોકોએ નોકરીઓ ગુમાવતા અનેક પરપ્રાંતીય શ્રમિકો પોતાના વતન તરફ પરત ફરી રહ્યા છે.
-
દિવાળી પૂર્વે આંદોલનની ચેતવણી: રાજ્યના અંદાજે ૨.૫૦ કરોડ શ્રમિક પરિવારજનો માટે દિવાળી જેવા તહેવારો ઉજવવા મુશ્કેલ બની ગયા છે. સરકારે ત્વરિત સકારાત્મક નિર્ણય નહીં લે તો સમગ્ર રાજ્યમાં વ્યાપક વિરોધ પ્રદર્શનો યોજાશે.
