વાયદા બજારમાં મોટી ઉથલપાથલ, 3 દિવસમાં સોનું 5969 તો ચાંદી 17893 રૂપિયા તૂટી, આજે શું છે સ્થિતિ?
સોના અને ચાંદીના વાયદા બજારમાં છેલ્લા કેટલાક દિવસોથી મોટી ઉથલપાથલ જોવા મળી રહી છે. મોંઘવારીના ડેટા, અમેરિકન ડૉલરની મજબૂતી અને ફેડરલ રિઝર્વ દ્વારા વ્યાજદરમાં વધારાની આશંકાઓને કારણે કિંમતી ધાતુઓ દબાણ હેઠળ છે. સતત ત્રણ દિવસના ભારે ઘટાડા બાદ આજે બજારમાં આંશિક રિકવરી જોવા મળી છે.
૩ દિવસના કડાકા અને આજની સ્થિતિની મુખ્ય વિગતો:
-
સોનાની સ્થિતિ: ત્રણ દિવસ અગાઉ વાયદા બજારમાં સોનું વધીને રૂ. ૧,૫૧,૫૯૬ ની ઉચ્ચ સપાટીએ પહોંચ્યું હતું, જે ગગડીને રૂ. ૧,૪૫,૬૨૭ ની નીચી સપાટી સુધી પહોંચ્યું હતું. આમ, ૩ દિવસમાં સોનામાં કુલ રૂ. ૫,૯૬૯ નો કડાકો બોલાયો હતો. જોકે, સતત ત્રણ દિવસના ઘટાડા બાદ આજે સોનું પ્રતિ દસ ગ્રામ રૂ. ૧,૮૦૨ ના વધારા સાથે કારોબાર કરી રહ્યું છે, જે રોકાણકારો માટે રાહતરૂપ છે.
-
ચાંદીની સ્થિતિ: ચાંદીમાં સોના કરતાં પણ મોટો ઘટાડો નોંધાયો છે. ત્રણ દિવસ પહેલા ચાંદી રૂ. ૨,૨૫,૮૬૪ ની ટોચે હતી, જે ઘટીને રૂ. ૨,૦૭,૯૭૧ ના લોઅર લેવલ પર આવી ગઈ હતી. આમ, ૩ દિવસમાં ચાંદીમાં રૂ. ૧૭,૮૯૩ નો પ્રચંડ ઘટાડો થયો હતો. જોકે, આજના કારોબારમાં ચાંદી સામાન્ય સુધારા સાથે પ્રતિ કિલો રૂ. ૧,૬૧૨ ના વધારા સાથે ટ્રેડ થઈ રહી છે.
