ગુજરાતમાં તહેવારો દરમિયાન નદી-તળાવોમાં વિસર્જન વેળાએ સર્જાતી હોનારતો વચ્ચે સાબરકાંઠા જિલ્લાના ઈડર તાલુકામાં આવેલા પ્રસિદ્ધ તીર્થધામ સપ્તેશ્વર ખાતે એક અત્યંત હૃદયદ્રાવક ઘટના સામે આવી છે. દશામાના વ્રતની પૂર્ણાહૂતિ બાદ સાબરમતી નદીમાં મૂર્તિ વિસર્જન કરવા ગયેલા મહેસાણાના બે આશાસ્પદ યુવકોના પાણીમાં ડૂબી જવાથી કરૂણ મોત નીપજ્યા છે.
ઊંડા પાણીમાં ગરકાવ થયા યુવકો
-
ઘટનાની વિગત: મહેસાણા જિલ્લાના વતની એવા બે યુવકો વહેલી સવારે સપ્તેશ્વર ખાતે સાબરમતી નદી કિનારે દશામાની મૂર્તિ વિસર્જન અર્થે આવ્યા હતા.
-
દુર્ઘટના: પૂજા-અર્ચના બાદ નદીમાં મૂર્તિ વિસર્જિત કરવા ઉતરતી વખતે પાણીના વહેણ અને ઊંડાણનો અંદાજ ન રહેતાં બંને યુવકો અચાનક ઊંડા પાણીમાં ગરકાવ થઈ ગયા હતા.
ફાયર બ્રિગેડનું સંયુક્ત રેસ્ક્યૂ ઓપરેશન
-
3 ટીમોની કામગીરી: ઘટનાની જાણ થતાં જ ઈડર, હિંમતનગર અને વિજાપુર ફાયર બ્રિગેડની ટીમો તાત્કાલિક ઘટનાસ્થળે દોડી આવી હતી.
-
મૃતદેહો બહાર કઢાયા: સ્થાનિક તરવૈયાઓ અને ફાયર ફાઇટરોએ કલાકોની ભારે જહમત બાદ બંને યુવકોના મૃતદેહને નદીમાંથી બહાર કાઢ્યા હતા.
પરિવારમાં શોકની કાલિમા
પોલીસે મૃતદેહોને કબજે લઈ પોસ્ટમોર્ટમ અર્થે સરકારી હોસ્પિટલમાં ખસેડી આગળની કાયદેસરની કાર્યવાહી હાથ ધરી છે. મહેસાણા ખાતે રહેતા પરિવારજનોને આ દુર્ઘટનાની જાણ થતાં જ પરિવાર પર આભ તૂટી પડ્યું હતું અને સમગ્ર પંથકમાં ભારે અરેરાટી વ્યાપી ગઈ છે.
