80મા સ્વાતંત્ર્ય પર્વની રાજ્યકક્ષાની ઉજવણી નિમિત્તે સાવજની ભૂમિ અમરેલી સંપૂર્ણપણે દેશભક્તિના રંગે રંગાઈ ગઈ છે. આજથી શરૂ થયેલા ત્રણ દિવસીય મહોત્સવને લઈને સમગ્ર શહેરમાં અનેરો ઉત્સાહ અને આનંદનો માહોલ જોવા મળી રહ્યો છે.
પોલીસ પરેડ, ચેતક કમાન્ડોનું શૌર્ય અને શસ્ત્ર પ્રદર્શન
-
તિરંગા યાત્રા અને પરેડ: ભવ્ય તિરંગા યાત્રામાં મોટી સંખ્યામાં નગરજનો જોડાયા હતા. આ સાથે ગુજરાત પોલીસ જવાનો અને ચેતક કમાન્ડોની શિસ્તબદ્ધ પરેડે સૌનું ધ્યાન આકર્ષિત કર્યું હતું.
-
શસ્ત્ર પ્રદર્શન: દેશની સુરક્ષામાં વપરાતા આધુનિક શસ્ત્રો અને સાધનોનું પ્રદર્શન પણ નાગરિકો માટે ખુલ્લું મુકાયું છે, જે લોકોમાં ભારે આકર્ષણનું કેન્દ્ર બન્યું છે.
દુલ્હનની જેમ શણગારાયું અમરેલી શહેર
-
રોશનીથી ઝળહળ્યું શહેર: રાજ્યકક્ષાના આ મહાપર્વને યાદગાર બનાવવા માટે અમરેલીના મુખ્ય માર્ગો, ચોક અને સરકારી ભવનોને તિરંગા લાઈટિંગ અને રોશનીથી શણગારવામાં આવ્યા છે.
-
ત્રણ દિવસીય ઉજવણી: આગામી ત્રણ દિવસ સુધી વિવિધ દેશભક્તિના કાર્યક્રમો સાથે સમગ્ર અમરેલી તિરંગામય બની રહેશે.
